حبيت ياأخواتي العزيزات انبهكم من مفاتيح الحمام (اعزكم الله )
لاني الاحظ كثير من بعض الحريم يخلون مفتاح الحمام على الباب بس من برا
تقول اخاف ولدي او بنتي يدخل الحمام ويقفل عليه
طيب مافكرتي لو تدخلين انتي ويقفل عليك وانتي بالحمام ساعتها وش بتسوين ؟؟
وشلون بتتصرفين وهو طفل ماكمل السنتين ؟؟
وحتى لو قلتي له جب الجوال اكلم احد
يمكن الجوال مرفوع مايقدر يجيبه او مايدخل من فتحت الباب من تحت ..
على الاقل لو قفل عليه هو الحمام تقدرين تصرفين اقل شي تكسرون الباب
فيه مية طريقة غيره ..
لان كثير نسمع عن قصص عن حريم قفلوا عليهم عيالهم
لان فيه وحدة سافر زوجها يومين وهي بالبيت تتروح لاهلها بعد ماتخلص شغلها
دخلت الحمام وقفل عليها ولدها ابو سنتين الباب
وقعدت بالحمام مافيه احد عندها ولاعنده جيران يسمعونه وجلست بالحمام
لان رجع زوجها ولقى ولده عند باب الحمام ميت
والام يوم فتح الباب لقى شعرها ابيض وفاقدة عقلها
ولاتروحون بعيد اختي قبل كم سنة قفلت عليه بنتها الحمام
وكان عندها ولد كبير بس كان طالع ذاك اليوم مع ابوه
خيرة كان الجوال من النوع السخيف وجابته لها بنتها ودخلته من تحت الباب
وكلمت زوجها وجاء فتح لها
فعلا امر مهم وفي مفاتيح خاصة للحمام امنة باذن الله