انتم الحكم ..

المهم المشكلة مو مع زوجي ولا شيء
الحمدلله امورنا عال العال

بس المشكلة هنا مع وحدة قهرتني بحركة بايخة مع ام زوجي

انا لي متعرفة عليها تقريبا 3 شهور ونص مع انها تزوجت واحد من اهل ابوي ولها 6 شهور على ذمته

المهم

اللي حصل انها بغت تزور ام زوجي لانها حرمه طيبة وهي اخت امي << يعني امووون عليها

وقالت لي ابي نسير عليها انا وانتي نشرب القهوة عندهاا

قلت لها ان شاء الله اكلمها واخذلك موعد <<<<<<< هنا المشكلة

ليتني ماطقيت الصدر وقلت ابشري _ بس والله هذا طبعي احب الخير للناس
وبيني وبينكم اشيل الميانة والكلفة اذا حسيت الانسانة طيبة بس بصراحة انصدم من كثيييييييير

المهم نرجع للسالفة

قالت لي امانة عليك اذا ام زوجك ماتقدر على وسط الاسبوع لاتستحي خليها تقول
وانتي كمان لاتستحين مني
قلت لها ماعليك احنا اهل

واتصلت على خالتي وقلت لها : ان فلانه تبي تجيك تبي تشرب عندك قهوة وتزورك
وشوفي لك افضل يوم عندك
اقترحت خالتي عليه انه يوم الاربعاء عشان مافي مدراس عند اطفالهاا
ومنها نعزم اهلنا
قلت ان شاء الله وقفلت من خالتي

وكلمت الحرمة وقلت لها الاربعاء احسن وكذا وكذا وكذا اسباب خالتي

قالت لي ان شاء الله خير
وقفلناا

انتهى اليوم الاول

بدا اليوم الثاني
لقيتها على المسن عندي

قعدنا نهررج ونسوولف ونضحك

بعدين قالت انا باروح انام
توصيني شيء
قلت لها لا سلامتك
بس لاتنسين الاربعاء عند خالتي الجمعه

قالت لي ان شاء الله باذن الله

انتهى اليوم الثاني من السالفة

وبدينا اليوم الثالث
وجاتني على البيت هي وزوجهاا
لان زوجي عزمهم

وسويت عشاء وتعشينا

وجبت الشاي الاخضر
وقالت ايوا وين مخططين تروحون الخميس قلت لها والله ماادري

بس ان شاء الله الاربعاء عند خالتي لا تنسين بنتجمع

قالت لي باذن الله نتقابل

المهم بعد نص ساعة دق زوجها

وراحت

خلصنا كذاا


وجاء يوم الاربعاء

وانا بحكم ان عند اهل زوجي العشاء لازم اروح بدري اساعد خالتي وبناتهاا
وطبعا سويت اكلات ورحت لهم من العصر
وتخيلوا نسيت جوالي بالبيت <<<<< فلاحة من عيالهاا :hahaha: هههه ربي لسا مارزقني انتظرهم بفارغ الصبر :35:

وجوا الحريم الا هي
قلنا يمكن تتاخر شوي
المهم جات الساعة 9
وهي لسا ماشرفت
قالت لي خالتي خذي الجوال اتصلي عليها
قلت لها خلينا نستنى يمكن انها على وصول

جات 9 ونص واتصلت عليهاا من جوال خالتي
وهذا اللي حصل بالمكالمة

انا : الو سلااام
هي : هلا وعليكم السلام
انا: وينك مالك طله علينا
هي: ليش وش السالفة << هنا انا حسيت اني هبلة
انا : نعم .. ليش وموعدنا عند خالتي مو الاربعاء وكمان فيه حريم جايين
هي: طيب_ انتي وين جوالك ؟ باتصل عليك واقولك متى رايحة ؟؟
انا: ايوا صح جيبيه معااك _ لاني نسيته بالبيت
هي:وانا كسرت الجوال عليكي اتصال من المغرب
انا: ايوا زوجي طيرني من بدري عند امه ونسيته بالبيت والله , وانتي مو عارفة اننا بنكون عند خالتي
هي: انتي قلتي ؟؟<< وقاحة
انا: ليش مو قلت لك كذا مرررة
هي : الا قلتي لي بس مااكدتي علي << ماباقي الا ارسل بطاقة دعوة

المهم قالت طيب مين فيه
قلت اخوات زوجك الثنتين وسلفتي وبانت خالتي و3 حريم جارات خالتي
قالت فلانة موجودة وماتقولي ؟؟
انتم من جد نذلات

انا مسكتها من قاصرهاا وشفت فلانة معدينه بتروح الحمام
وناديتهاا قلت لها كلمي
وقلت لها مين على الخط والسالفة مووووجزة

المهم واسمعها تقول طيب انتي اتركي العبط وامشي اقلهاا عشان الحرمة اللي متكلفة
وين اخوي عندك خليه يجيبك .. لا انا مالي صلاح فيكم انتي قلتي لها انتي اتفاهمي معاها
المهم واعطتني اياهااا

قلت ايوا نعم
قالت والله انك ماتستحين
قلت وش سويت
قالت ليش تعطيني فلانة
قلت تتفاهمين معااه
ايش دخلنا انا وهي بالنذالة يعني انتي اللي مدري ايش فيكي
قالت طيب وش اسوي _ ليش ماقلتي لي انك بتروحين عند خالتك
قلت لهاا انا مو مكلمتكي وماكدة عليك وانتي غير تقولين ان شاء الله خير وباذن الله
المهم اتصلي على زوجك يجيبك << والله عصببببت لكن مسكت اعصابي :06:
قالت عند فلان ومايرد علي من اول اتصل << انواع النصب
قلت ايوا صح زوجي هناك خليني اقفل منك واكلمه يخلي زوجك يرد عليك
لساا باقول مع السلامة
الا قاطعتني قالت خلاص خلاص مايحتاج الحين بااتصل عليه يجيبني

وقفلت منهاا

وباروح للضيوف
الا فلانة المذكورة اعلاه
نادتني قالت لي ايش صار ؟ قلت والله مدري عنها ماباقي الا اعطيها بطاقة دعوة عشان ااكد عليها
وانا مو مرة ولا مرتين ثلاث مرات وانا اكلمها وفي الاخير تقولي ليش مااكدتي علي

قالت لي عشان مرة ثانية اذا تبي تزور احد تتصل عليه وتاخذ موعد مو الحريم يكلفون على انفسهم
وفي الاخير ماتجي قلت حيا
قلت والله اخر مرة راح اكون واسطة بين ثنتين

وانا في طريق العودة ايضا لغرفة الضيوف الا وخارجة سلفتي
تقولي وش السالفة
قلت لها كذا وكذا وكذا
قالت نص ساعة ويجيبها زوجها مدلعة بس هي مو مشتهية


والله ماجات 10 الا والمحروسة مشرفة علينا

بنات طاااااااااحت من عيني بشكل صحيح الا الان فيه احترام باقي في قلبي
بس مو مثل اوول ابداا


المهم يوم جااات سبحان الله انا اللي كنت واقفة وفتحت الباب وانصدمت انها هي

ولو تشوفون النظرات كيف علي سلمت عليها وانا عادي ماكان شيء صار
والله اني امزح واقول من جد انك ماتستحين ليش ماجبتي جوالي :p << مالي داعي صح

وجيت باصب القهوة للحريم يوم وصلت عندهاا مدري وش صاار في الدلة مو راضية تصب ابدا
اقولها خفي علينا بهالنظرات حتى الدله خايفة طبعا بيني وبينها لانها كانت باخر المجلس وبعديه شوي عن الحريم
وابتسااااامة عريضة مني :D

المهم يوم جينا نحط العشا عموما العشاء له ساعة جاااهزز بس استنينا عليها تقعد نص ساعة وقلنا للحريم الله يحييكم

ونظراتها يابنات حقد علي بالمصادفة جلست قداامهاا وانا اكل احس اني باغص
وكل لقمة اكلهاا لازم اشرب سايل عشان احس اني لو اكلت شيء بدون سايل حأغص بالاكل


المهمممممممم

وقاموا الحريم من العشا
وكنت انا وسلفتي اخر شيء

ورحنا للحريم
وجابت الشغالة الشاي الاخضر << بعد العشاء

وصبينا الشاي ونوزعه

وشوي نص ساعة وقالت انا استاذن ابي عباتي

طبعا بما ان انا اللي اخذت العباة رحت واعطيتها هي

ولبستها وطلعت وقالت سلميلي على الجميع قلت لها خير ان شاء الله يوووصل باذن الله :hahaha: << دقة فيها



وبس انتم ايش رايكم