انتو الحكم

السلام عليكم
كيفيكم حوائيات0000000000 انا شاء الله بخير
ابقلكم على موضوع صاير معاي وانتو الحكم
من فترة سمعت الكراتين وفوائده
طبعا ابهرني المنتج وللاسف قمت ادور عليه بكل مكان الين وصلت لصالون من غير ما اذكر اسمه عشان لاتقلون انو تشهير ومدري ايش المهم
انو هما الوكيل الوحيد في السعوديه ومن الكلام الفاضي ده
طبعا ما انكر انو صاحبة المشغل اكلت مخي وابهرني كلامه
اخدت موعد بس صار ظرف وما قدرت اروح بعد فتره ارسلتلي صاحبة المشغل رساله على اساس انو عاملين خصم على الكراتين بمناسبة مرور سنه على افتتاح الصالون طبعا ما كدبت خبر ورحت على طووووووول
المهم عملت الكراتين
على االاساس انو الي راح تعملي خبيره فرنسيه على كلامه لما رحت حطوني عند وحده اندوسيه
قلت في نفسي عادي توكلي على الله
والصراحه ما قصرت العامله وكانت متقنه في شغلها حتى زميلاتها الي معاها قعدو يقلولها لاتشوفك المدام وانتاحاطها كميه الكراتين ديه كلها
الظاهر انهم يحطو عينات على شعورنا مو كاننا دفعين فلووووووووس
المهم خلصت الجلسه تبع العلاج اعطتني التعليمات وقالتلي تعالي بعد 3 ايام
المهم عدت الايام ورحت مره تانيه وكانت الصدمه
الكراتين ينقسل بعد 3 او 4 ايام بشامبو وبلسم خاص فيه بحيث انو يحافظ على الماده نفسها
0000000
هنا المفاجاءه الشامبو مخلص
طيب
عندنا بس البسلم
ايش اعمل
روحي اشتريه من الداعوق وتعالي نغسلك هو والبلسم عندنا بس لازم تدفعي 150 حق البسلم
وعشان تحافظي على الكراتين بشعرك لازم ما تستخدمي الا الشامبو والبسم الي خاص فيه والا راح تخري الماده ويرجع شعرك مثل اول
00000000
تخيلو
مو على اساس انو هم الوكيل الوحيد الي يجيبه من البرازيل
وباقي الوكله واصحاب المحلات يجبوه من لبنان وانتبهي تاخديه الي ينباع في 000000000و000000000و0000000
بعد ده كلو روحي اشتريه من عندهم
يعني ايش رايكم
يعني الواحد عندو استعداد يدفع ايش ما كان بس يكون شي كويس
الين متى الاستغلال والتلاعب ده