انتو مثلي يابنات ............والا انا غير النااااااااس....ردو على

السلام عليكم ورحمه الله وبركاته
خواتى والله مادرى من وين ابدا
بس حسيت ان الدنيا ماتسوى يالله صاير الموت بشكل كثير هالفتره وربى شى يخوف
كل يوم نسمع عن ميت هذا مات فى حادث وهذا مات من مرض وها مات فجئه .......وهذا وهذا ............
زماااااااااااااان وين وين نسمع فيه احد مات
الحين خلال شهر ونصف توفو 5 من اقاربنا غير الى نسمعهم من جيران وغيرهم من معارفنا
امس الصباح زوجى شاف حادث يقول السياره احترقت بصاحبها فى لحظه ولا قدرنا نساعده
وكان متاثر من المنضر
وكنا نتكلم عن الحادث وادعى له بالرحمه والله يصبر اهله
يارب رحمتك
والله ماجا العشاء الا واحد من اقارب زوجى متوفى
يالله شوفو الدنيا موت فى كل مكان وفى كل لحضه
احس السنه هذى غير كثره الموت فى كل مكان حتى الدول العربيه والاحداث الى صارت والناس الى توفو ياكثرهم
يارب ترحمهم وتغفر لهم
قاعده اكتب لكم ودمعتى على خدى احس الدنيا ماتسوى ماتسوى وربى ...
اول كنا نقول الدنيا حلوه .....ياربي وش الى تغير وصرنا نقول الدنيا ماتسوى .............
مادى كنا صغار ولانعرف وش الدنيا وكبرنا وعرفنا حقيقه الدنيا
نركض ولاهين نبى ونبى ونبى وامال واحلام وعلى بالنا بنعيش العمر كله
وننسى ان الموت قريب ممكن يجى فى لحظه وحنا غافلين ومفتونين بهالدنيا
طول اليل وانا اراجع حساباتى واقول يالله لو انا الى مت كيف اقابل ربى وش سويت فى حياتى بدخل الجنه او لا ربي راضى عنى اولا
.......
يارب رحمتك

يارب لاتجعل الدنيا اكبر همنا

يارب لاتتوفنا الا وانت راضى عنا يارب

يارب احسن خاتمتى وخواتم جميع المسلمين والمسلمات
يارب ارحم والدتى ووالدى وجميع موتى المسلمين
اللهم اجعل قبورهم روضه من رياض الجنه لاحفره من حفر النار
الهم ارحمنا واغفر لنا اذا صرنا الى ماصارو اليه يارب
سامحونى اذاكدرت عليكم على هالصبح بس والله مانمت من الضيقه الى فينى ..............

مين مثلى يابنات تحس السنه هذى غير ..............