اللي والله يرفع الضغط ان بعض اهل العزاء (اقصد اللي الناس جايه تعزيهم يجونك كاشخين نص كشخه )) مكياج وعيون مكحله وحواجب مرسومه !!!!! مدري هذولي ميته قلوبهم بصراحه ميتهم ماله في القبر يوم يومين وكاشخين !!

---

والاخت مايكبرني لقب/ والذبايح مافيها شئ الذبايح لإن هالناس اللي جايه تعزي من الاقارب اكيد بيجلسون واهل الميت مو فاضين يغدون ويعشون يعني الاقارب الله يجزاهم خير يغدونهم ويعشونهم

والرسول صلى الله عليه وسلم يقول (بما معنى الحديث ) (اصنعوا لآل جعفر الطعام فإنه اتا هم مايشغلهم ))

وتقبلي نقدي بصر رحب :)

لا تنسين بعد عرض ازياء للعبايات
فيه ناس بحكم القرابه يجون لبيت المتوفي اكثر من ثلاث مرات باليوم بأوقات مختلفه
وكل جيه لازم عبايه غير الثانيه وطبعا العبايات انواع الزخرفه والترتر والالوان
يعتبرونها فرصه لعرض عباياتهم اللي عندهم
الله لايبلانا

والله شفت ناس كذا كثير وباقرب الناس لهم لاحول ولاقوة الا بالله

انا شفت وحده وربي جايه تعزي بعزى عمتي الله يرحمها ..

الله يستر عليها هي كبيره شوي مو من بنات هالايام .. والله مكياااااااااج كامل وفستان عرس ويلمممممممع قسما بالله طالع من تحت عبايتها انه طويل مدري ذيل نهايته . الكل استنكر وش هذا ؟؟؟؟؟؟؟؟؟؟؟؟؟؟

ولما سالناها تعرفي اللي متوفيه قالت ايه اسمع عنها .. يعني الحرمه مب غلطانه جايه عزاء
حنا مابغينا نظلمها هههههههههه قلنا يمكن رايحه عزومه وغلطت بالبيت

الله المستعان

بل

الله يهديهم

المشكله إن تقديم العزاء مهوب واجب..

هذولا يجون ليــه؟؟

فعلا عالم مدري وش يبي !