سوسو 100% @soso_100
عضوة نشيطة
انت متعرية = انت متطورة!!!!!!!!!!!!!!
استغرب من الي تقابل المعروف بالجحود و النكران
يعطيها الله من نعمه و فضله وكرمه الكثير الكثير
وفي المقابل ترد على هالنعم باصناف متنوعة من المعاصي والذنوب
عندما ترى او تسمع عن من ابتليت ببصرها او سمعها او عقلها او بدنها او غيره....
تتاثر و ينقلب لونها وتتسارع نبضات قلبها ...... وكل من راها يرق لحالها ويتعجب من رقة مشاعرها
وماهي الا دقائق معدودة وتعود لغيها القديم ..... طيب يا الحبيبه وين التاثر و المشاعر الرقيقة
اكيد الاخت عندها ضمان مفتوح مدى الحياة على هالنعم.....ولا احد هامها ولا احد مالي عينها
طيب خلينا نقول انك ما تخافين من الله !!!!! الكلمة قوية صح !!!! مشاعرك الرقيقة ما تتحمل زي هالكلمة
طيب وش تسمين الي انتي تسوينه !!!!!! ما علينا !!!!! ما تستحين من الناس !!!!!!
تبين تصيرين متطورة وعلى الموضة وملفتة للانتباه !!!!!! ما تبين احد احسن منك !!!!! يلبسون قصير بتلبسين زيهم ما انت اقل منهم !!!! بالعكس بتلبسين اقصر من الي لابسينه عشان انت متطوره اكثر منهم !!!!!! طيب امنا بالله !!!!! اهم شي طول قعدتك خلي رجلينك مصفطه !!!! يعني اذا كنت جالسة لا تنسين نفسك و تتربعين !!!! عشان البلاوي الي تحت ما تطلع !!!!! واذا كنت على كرسي بعد انتبهي تفتحين رجولك !!!!!!! و الصدر طبعا لازم تبرزينه شويتين !!!!!! لكن انتبهي بس للحلم السوداء لا تطلع وتحومين كبود الخلق !!!!!!! ونسينا بعد البطن لازم يكون طالع طبعا عشان يكمل التطور وتصيرين على الموضة !!!!!!! بس لا تنسين تنظفين السر من البلاوي الي معششة فيه
ودي بس اعرف وش الي باقي في جسمك مستور !!!!!!! وش بقى ما شافوه الناس !!!!!!
عيب والله عيب
التطور ما هو بتقصير الملابس !!!!! يعني ودي اعرف من الذكي الي قالك انا بنصير متطورين مثل الغرب اذا فسخنا مثلهم !!!!! والا انا بنسبقهم و نبني مجمعات سكنية للي في الحلة ومنفوحة على القمر اذا لبسنا من غير هدوم على قولت عادل امام !!!!!! الغرب وصل للي وصل له بالعلم و النظام والعدل و العمل !!!!!!! يعني ماهو بالهشك بشك !!!!!!!!!! والهشك بشك الي هم عايشينه ما جاء الا من تالي بسبب الرفاهية والفراغ الروحي !!!!!! واذا كتب الله وزرتي فرنسا او بريطانيا امسكي اي عجوز وانشديها عن لبسهم قبل وشلون كان !!!!!!!! واذا انتي مثقفة وتتكلمين لغات ادخلي في النت وبتلقين ما يخيب املك !!!!! ويوم انك مطورة اقري عن المشاكل الاجتماعية الي يعانونها بسبب هذا العري!!!!!
طيب اسالكم بالله لو كان فيه احصائية عن العري ما كان تلقون اكثر الفاسخات الكاسيات العاريات من المتخلفات و غير المثقفات !!!!!! فلو قدر الله و سالتها وش اخر كتاب قراتيه بتقول كتاب المطالعة حق اولى متوسط و مجلة سيدتي !!!!!! ولا تجي وحده مسويه فيها ذكية وتقارن بين غنية وفقيرة !!!!!!! يعني علشان المقارنة تكون عادلة قارني بين الطرفين الي من طبقة واحدة
واخيرا
وَضَرَبَ اللَّهُ مَثَلا قَرْيَةً كَانَتْ ءَامِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ . فَبِظُلْمٍ مِنَ الَّذِينَ هَادُوا حَرَّمْنَا عَلَيْهِمْ طَيِّبَاتٍ أُحِلَّتْ لَهُمْ وَبِصَدِّهِمْ عَنْ سَبِيلِ اللَّهِ كَثِيرًا .
روى أحمد عن ثوبان – رضي الله عنه -: ((إن الرجل ليحرم الرزق بالذنب يصيبه )). وفي الحديث الآخر: ((الذنوب تنقص العمر)).
إذا كنت في نعمة فارعها ... فإن الذنـــوب تزيل النـــعم
تحياتي
3
344
يلزم عليك تسجيل الدخول أولًا لكتابة تعليق.
هذه حالنا اتباع للغرب لم نفلح في دين ولا دنيا
وللأسف الوضع في ازدياد اسأل الله الهداية للجميع
اثابك الله
وسلمت يمناك
وللأسف الوضع في ازدياد اسأل الله الهداية للجميع
اثابك الله
وسلمت يمناك
الصفحة الأخيرة
الله يستر على جميع المسلمين ويهديهم