انصحوني وجهووني طلعوني من جوي

هاول شي بفضفض قبل ما اكتب المشكله


زوجي اول زوجنا كان عنده خرابيط وتعدل الحمدالله

بس قبل كنت احبه الحين مدري مشاعري مو مستقره مره احن ومره اكرهه ومره مدري كيف

المهم انه اول زوجنا بشهور مسكني وقالي ماضيه كله من الى
طلعت سويت شربت ..الخ

انا انصدمت لان كنت شايفتة شي وطلع شي قلت بفصل !! وهذا ماضي
سالته ليه قلت كذا قال ابغى اكون صفحه بيضاء قدامك !!!

وانا بلعكس اقول في خاطري ليت ماعرفت لان نظرتي له تغيرت

المشكله زوجي المصون احسه مو حريص ابد من الناحيه الماديه
الراتب قليل اقساط مايبقى منه الا 2000ويروح ع بقاله واغراض العيال
انا مالي شي

قبل مااجيب عيال ماعنده وظيفه كنا في حال احسن من الحين يدبر ويجيب ويسعى وطلباتي تجيني عكس الحين

وتوظف في وظفتين صباح وعصر وحريص وامورنا ماشيه وجبت اول ولد وامورنا تمام

بعدين ترك الوظيفه الثانيه وجلس ع هذي


الحين احس عنده برود بشكل فضيع
يعني فيه مجال يدبر له وظيفه احسن
يقول لا انا مرتاح في وظيفتي هذي واصبري بيرسموني وتتعدل الامور
قلت يللا نصبر
بس مافيه اي بوادر تعديل لنا سنوات ع هالحال

اشتغلت مندوبه والله الي يجيني احطه في البيت والا اخذها هو

تعود مايجي معي فلوس الا خذها
انا عودته للاسف

بعت ذهبي :( علشانه.
غلطانه وربي غلطانه ادري وندمانه ومن هذا المنبر انصح كل وحده متزوجه لاتفرطين في ذهبك مهما كان امسكي فيه بيدينك واسنانك
ذهبك هو امانك>~>> هههههه اندمجت

نرجع لسالفه
حافز الي راح انا الي فرشت فيه بيتي
لنا سنه ساكنين فيه وباقي به حاجات وناقصه حاجات
هو كان يجيه حافز والله ماشترا الا تلفزيون وثلاجه والباقي طيره مدري وين

مقهوووره منه

الفلوس يطيرها مايجلس في جيبه شي

المفروض يحسبها بلورقه والقلم ويشيل همنا

عكس انا الي كل ماجمعت مبلغ اقول احطه بلبيت نسيت نفسي كاسره خاطر نفسي ع قولة المصاريه صعبانه علي نفسي

جته وظيفه راتبها افضل قال ماتصلح لي
علشان كرف وعسكريه وعمري ومدري وش

وقدم ع وظيفه ويااارب تجيه
بس يقهر يقول اداوم الين 2 وغربه واجار
يطلع مية عله


بالله وش اسوي معه بشيب بدري بسببه
احس اني مسووله عنه المفروض العكس


العام تسلف علشان يسافر برا السعوديه مع اخوياه يقول نفسي اطلع اسافر مره بلعمر حزنت عليه لان اصحابه كلهم سفرات وطلعات وهو لا

واشوف الوضع بينقلب حلا

قبل فتره كان بيجيه فلوس والله اول شي فكر فيه قال بسافر
ويوم شافني طالعت فيه قال وبعطيك منها !!
وابشركم ماجته الفلوس ربي عارف نيته هههههه
عكسي
انا اول ماتتوفر معي فلوس اول شي افكر فيه البيت بصلح الحوش بشتري مطبخ

واذا عاتبته قال صح معك حق ويتحمس يومين ويرجع زي ماكان

انا راضيه وقنوعه لابعد حد واهم شي الصحه والعافيه
بس احيانا اهاوش نفسي اقول ماتتوبين
انتي تكتين في هالبيت ونفسك
مثلا صار مشكله وطلقك انا الخسرانه عنده بيت مأثثته انتي!!
الرجال مالهم امان مسسستحيل لاتقنعوني
بس انا ابغى اعيش ارتاح في بيتي
اشوف الناس وانا طيب ابي اكمل بيتي
واحن وارجع اكت في ذا البيت
هو قديم مرممينه علشان كذا يبغاله تعديل. لليل....
وارجع اهاوش نفسي احس داخلي صررررراع ومطاقق مصارعه حره هههههه والله من جد
مره اقول يللا معاليه لنفسي وعيالي البيت المريح ينعكس ع النفسيه
ومره اقول وهو وش حضرته انا اكد واتعب وعيوني تطلع من هالشغل وهو يسال بكل برود ماجاك فلوس هالشهر

ابغالي اغراض ابغى ادلع نفسي
وفي نفس الوقت ابغى اعزم ناس ويجوني ناس بس هالبيت الي فاتح فمه

ماقدرت ارسي ع برررر 😩

وحافز هذا ببكي ببكي مره اقول بحط مشروع يفيدني ومره اقول ياشيخه قليل وش بيسوي اشتري ذهب واحفظيه
ومره اقول البيت بكمل مجلسي وصالتي الواجهه بس بشتريلي مطبخ لو مستعمل راضيه
مدري مدري شرايكم انتم

ولي فتره جايه عصبيه بشكل فضيع ماطيق نفسي ولا اطيقه والا اطيق بيتي كبت كبت لا اطلع ولا اروح مقابله هالشغل وهالعيال
واذا طلعت السوق لازم ينكد علي حتى لو ب50 متقضيه

احيانا اقول انا وش ابغابه اروح لاهلي واكد ع عيالي اصرف لي
مو اقولكم مصارعه حره بصدري حلوها

انصحوني وجهوني ضحكوني. بلا تعليقات سامجه ترا فيني ضيقه مايعلم فيها الا الله

تجيني فترات اكرره كل شي في الحياه
اخاف يجيني اكتئاب بسبب هالشعور


يعنب هو اناني ...لو اقوله ابي قام يعد ديونه علشان اسكت ....
بس اذا فيها قطه ااستراحه والا تمشيه في ربوع بلادي مع الشباب ينسى الديون ويدبر عمره

يعني فيها مجال يسجل البيت باسمي علشان احط فيه وانا مرتاحه هههههههه بس مستحيل يقول عادي اسجله وناخذ قرض باسمك نعدل اوضاعنا وبعد فتره احوله باسمي وكاله ومدري ايش متخيلين الانانيه. يعنب يحق لي اخاف واضمن حقي ...

يعني هو يحبنا ويحب عياله بس مايضحي ابدا

ومشاعري متلخبطه احيانا. احس اني عايشع معه مجامله ومره علشان عيالي ومره علشان اعزه بس الاكيد ماحبه