انــــــــــــــــــا السبب في اللي صار بنات ادعوا لي ........ :(

السلام عليكم

بنات انا مشكلتي اني حبيت قريب لي وصرت احلم فيه يكون زوج لي انسان كريم وحبوب

هو بعد حبني وتمناني زوجه له وكان حاط عينه علي يعني بالعربي حبيته وحبني وماكنت اعرف انه يحبني الا من خالتي خبرتني بالسالفه وقالت ان قريبي هذا صارحه بانه يبيني

والمشكله اني انا اخفيت حبي له وماحد يدري عني نهائيا اني احبه

حتى جات اللحظه اللي جات فيها اخته تخبرني ان اخوها يبيني ويحلم فيني
سألتني ياترى انتي تحبينه مثل ما يحبك ؟

رديت وانا مستحيه مررره لا عادي هو قريبي مثله مثل غيره :(

وابتسمت وماردتعلي

مع الايام سمعت امي تقول ان قريبيهذا كلمها بدون علم ابوي انه يبيني


انا بغيت انطق من الفررررح ياااه اخيرا بتزوجه يارب ..

وسألتني امي اذا انا موافقه عليه او لا

قلت لها اللي تشوفونه وطلعت من عندها


مع الايام كان قريبي هذا يتواصل مع اهلي ويزورهم باستمرار ويتصل عليهم دوووم

وبعد سنه قرروا اهله يخطبون له

طبعا صارح اهله بانه يحبني ويبيني

تخيلووووووا في احد من اهله عااارض وقال لا هذا الزواج مستحيل يصير

لانهم حطوا عينهم على وحده تقرب لهم مرررررررررره


راحوا وخطبوا ووافقت البنت

والله يابنات بغى يغمى علي من القهرررررر

لكن هنا دعيت لها بالتوفيق ولو هي اختي في الله ومستحيل ادعي عليها او اخرب عليها لاني حطيت نفسي مكانها مسكينه فرحت به مررره ووافقت عن رغبه بجد وصعب جدا جدا اني اخرب بيتها او اتمنى لها شر

علشان كذا كلما تذكرت فرحتها دعيت لها وله رغم الالم اللي بقلبي ربي يوفقهم ويعوضني عاجلا غير اجل


المهم صارت الخطبه واللي كان فيها قريبي هذا حزين وخبر خالاتي انه مايبيها لكنه مضغوط عليه

الحين لهم 3 سنوات وهم مملكين

وانا ماني قادره انساه تمنيت لو يتقدم لي ولد الحلال اللي ينسيني في حب هذا الشخص

لكن للاسف

يابنات انا اذا سمعت اسمه احس قلبي بيطير لازلت اتذكر بعض المواقف اللي في طفولتنا يوم انه كان يمازحني ويفرح لاشافني

لازلت اتذكر ابتسامته يوم شافني بالغلط في غرفة اخته تسمر وهو يناظر فيني وانا بعد تسمرت لكن ماكنت مصدقه عيوني

تعبت من حبه ماني قادره انساه

بعد عيد الحج ان شاء الله بيكون زواجه

زرناهم يوم وورونا غرفته اللي قاعد يزهب فيها لعروسته الجديده

قولوا امين

عسى ربي يحفظهم ويسعدهم ولايفرق بينهم وربي اني ادعي لهم من كل قلبي

لاني عارفه انه مستحيل يكون زوج ليه بعد اعتراض اهله

خلاص انتهى كل شي وزوجته فرحانه به مررررره ربي يسعدها

والله يابنات اني ندمانه اشد الندم تمنيت لو اني صارحت خواته باني احبه واتمناه يكون زوج لي

لكن تلتزمت بالكتمان حتى صار اللي صار

نصيحة يابنات اللي تحب لاتسوي مثلي صارحوا اهلكم حتى مايصير لكم اللي صار لي


يارب يارب يارب ارزقني ولد الحلال الطيب الحنون المحب واللي ينسيني في حب قريبي

يارب عاجلا غير آجل يارب عاجلا غير اجل


مدري وشبيصير لي في زواجه الله يستر

يارب نسني في حبه واغنني عنه ياااارب عاجل لعلي انساه


ادري يمكن السالفه تافهه عندكم لكن صدق من قال الحب عذااااب

ومابيعرف جرحي والمي الا من جربيت مثلي


استغفر الله استغفر الله استغفر الله



بالله عليكم ادعوا لي بالزوج الطيب الحنون المحب عاجلا غير اجل قبل اليوم اللي بيجي فيه زواج قريبي

ادعوا لي من كل قلبكم ماراح تخسرون شي حبيباتي

اختكم المجروحه مجروحه والزمن ضدي