ان شاء الله راج اكون ام قريب وطالبتكم مساعده الله يجزاكم الجنه

كيفكم بنات وكيف اطفالكم :04: الله يحفظهم لكم

بأذن الله ادعوا لي بالتسهيل راح اولد قريب ان شاء الله وابغى اهتم بالبيبي حقي من البدايه .. هذا اول بيبي لي

والله اني محتاجه خبرتكم اكثر من اني محتاجه نصايح دكاتره .. اسأل مجرب ولا تسأل طبيب ...

ناويه بأذن الله ارضع البيبي طبيعي .. لكني بصراحه ماني مقتنعه اني طوال سته اشهر على الأقل مااعطيه شي ثاني غير حليب الثدي ...

اعرف وحده امها لمده سنه مادخل فمها ولا شي الا حليب طبيعي .. تعالوا شوفوها الحين وعمرها ست سنوات .. ماهي متقبله اي اكل .. وصحتها سيئه مره لدرجه انها اذا طاحت طيحه بسيطه تنكسر او تتأذى ...

طولت عليكم اسفه :time:

ابغى اعرف اول شي ..

1- متى اعطي البيبي ماء ؟؟؟
2- ايش هي التمره او منقوع التمره وايش فايدتها ومتى اعطيها البيبي وكيف اسويها ؟؟؟
3- للمغص سمعت عن الكمون او فيه شي اسمه شاي اطفال .. هل هو للمغص او اعطيه بدون مغص او كيف ؟؟ ( هو فيه شي لونه بني غامق شوي دايم اشوفه بالرضعه حقت الصغار مع امهاتهم بس مااهتم اسأل الحين مهتمه :39: اش هو )؟؟؟
4- ايش هي الأكلات اللي ممنوع تعطى الطفل علشان احتمال انها تسبب له حساسيه ؟؟ وكم هي فتره المنع ؟؟؟قريت مره ان الموز ممنوع .. وقريت مره ثانيه ان الموز مفيد بعد السته اشهر ...
5- علبه الرضعه للطفل اي افضل .. البلاستيك والا زجاج ؟؟ وهل اغليها او اغسلها بماء حار او عادي ؟؟؟
6- بالنسبه لحمام الطفل .. كل كم لازم احمم الطفل واغسله .. وهل شامبو جونسون للأطفال هو انسب شي ؟؟ اغسل فيه شعره وجسمه ؟؟؟ ايش اللي احتاجه باضبط علشان الحمام ؟؟ وهل احط على جسمه كريمات او بودره ؟؟ وهل ضروري احط بودره على جسمه ؟؟ وهل ماركه جونسون افضل شي للغرض هذا ؟؟؟
7- بالنسبه للعنايه بالسره او الختان للذكر ...هذولا ا ايش اسوي فيهم :35:؟؟؟ وهل يعاني الذكر من صعوبه البول ( الله يكرمكم ) والا عادي ؟؟ وكيف اعتني فيهم ؟؟
8- هل اعطي الطفل اكلات بسيطه سائله غير الحليب بوقت بدري ؟؟ ( يعني بعد شهرين من عمره مثلا ) وايش هي وكيف اعطيه اياها ؟؟؟

الله يجزاكم الف خير ساعدوني باللي تقدرون عليه والله يبارك فيكم اي نصيحه منكم تراي محتاجتها واحتسبوها في ميزان حسناتكم وربي يجزاكم عليها كل خير ...