اهداء خاص...(ام عزيزان)

السلام عليكم ورحمه الله وبركاته

كيف حالكم اخواتي الغاليات في هذا المنتدى الطيب

وخصوصا الاخت الغاليه ام عزيزان

والله الكلمات تعجز ان توفي حقج الكافي يا اختي العزيزة في الشكر والثناء

ماشاءالله جهودج وااااااضحه في المساعده والمشاركات القيمه

اتمنى انج تقبلين هذي الهديه المتواضعه من اختج الصغيره شكليطه

:27:


=======================

كريم كراميل بيتي:
==========

هذي احلى واسهل والذ طريقه لعمل كريم الكراميل في البيت

وطبعا حقوق النشر مثل مايقولون محفوظه....وامي الله يجزاها خير عقب تجارب عديدة لكريم الكراميل......ضبطت معاها هالطريقه

وعساها ما تحدره من بلعومها اللي تنسب الطريقه لنفسها :30:


ما علينا

المقادري:

1 لتر حليب

1 علبه حليب مكثف ومحلى (الحجم الكبير)

1قيمر

6-7 بيضات

هيل وزعفران

فانيليا حسب الرغبه

http://hrof.net/im/index.pl/59302711061570-66345.jpg


===================
لعمل الكراميل

1 كوب سكر (او اقل حسب الرغبه)

==================

الطريقه

(نشعل الفرن قبل كل شي)

اولا نحضر قالب الكيك المفتوح من المنتصف.....ونذيب السكر على دفعات

http://hrof.net/im/index.pl/10502711061570-66346.jpg


لحد ما نحصل على الكراميل السائل......نترك القالب على جنب ونكمل شغل

:)

نخلط البيض بسرعه (لمجرد الخلط)
http://hrof.net/im/index.pl/12802711061570-66347.jpg

ثم نضيف باقي المقادير بدون ترتيب

(حليب سائل..حليب مكثف...قيمر...هيل وزعفران)
=================
في هذي الاثناء يكون الكراميل برد شوي
=================
نصب القليل من الخلطه على الكراميل ....عشان تتعادل الحراره
وبعدين نصب باقي المقدار
============
نحضر صينيه ....لعمل حمام مائي.....(على الغاز) لمده 10-15 دقيقه

http://hrof.net/im/index.pl/251002711061570-66349.jpg

بعدين ندخل الكريم كراميل مع صينيه الحمام المائي بالفرن لمدة ساعه (او اقل)

ونختبر النضج مثل الكيك العادي

هذي الصورة بعد ما طلعتها من الفرن

http://hrof.net/im/index.pl/281102711061570-66350.jpg



نتركها بدرجه حراره الغرفه لمدة ربع ساعه....ثم ندخلها الثلاجه لتبرد


وبالعافيه

طبعا هذا الطبق الليله سويته بسرعه.........وان شاءالله ان شاءالله باجر اوريكم شكله النهائي (مالم يتم اعدامه من قبل محبيه) :30:


وسامحونا على القصور .....وعلى رداءة التصوير