اهلي ..خيبه املي

انا يابنات اصغر اخواني واخواتي ..امي منفصله عن ابوي وكنا ساكنين بايجار وحالتنا حاله المهم اخواني اغنياء ومع ذالك محد شراء لامي بيت ولاحتى شقه المهم اني اشتغلت وجمعنا الريال ع الريال وانا وامي وشريت لها فله دورين وبعدها تزوجت وربي رزقني ولد ..
امي سكنت دور واجرت دور وتاخذ ايجاره وانا قلت بخاطري حلال عليها اهم شي رضاها عني واعطيها من راتبي شهريا مع اني اقل راتب باخواني والله اني مااتمنن عليها قدامكم لكن علشان تفهمون الوضع ..
قبل فتره تطلقت وحده من اخواتي ومعها بنتين وجت سكنت عند امي ..ومن يومها قلبت امي علينا كلنا انا واخواني عندها قدره فضيعه للتمثيل وقلبه الراس 
اول شي سوته قالت لامي ليه معطيتها غرفه بالبيت وهي متزوجه المهم امي استحت تقولي فضي الغرفه لكن لمحت وانا رفضت 
الزبده بناتها كبار وحده 10 والثانيه 8 واجيب لهم هدايا واعطيهم فلوس لدرجه حتى زوجي تعود لاشرينا لولدي لعبه يقول وبنات اختك خذي لهم معه 
وولدي يابنات يادوب عمره سنتين و6 شهور وبرئ جدا ومسالم وبس بناتها يطقونه لانهم يغارون منه امي تحبه وكل مامر من غرفتهم طقوه ولا دفوه ومستغلين الوضع انه مايتكلم ويقول وش صاير له انا يابنات حامل وبالشهر السادس والمشكله العويصه اني من تزوجت قبل 4 سنوات كل ويك اند عندهم وكل صيفيه عندهم وزوجي اخذ ع الوضع كل بدايه الويك اند متى تروحون لاهلكم ويفتك ويروح يدج ويروح لاخويه وعيال عمه ويكلم طبعا ع راحته وانا مبتليه كل مارحت لهم انواع التوتر والضغط النفسي ولدي ينطق وانا انقهر وادافع له واختي وبناتها دايم الرد جاهز ماندري عنه هو اللي طاح ماسوينا له شي ياجده والله يابنات انهم يطقونه ويقرصونه يجيني خدوده حمرا من الضرب اخر اجازه ماقدرت اتحمل وصارت مشكله بيني وبين اختي بسبب بناتها وكل اخواتي ةاخواني عايشين الوضع نفسه كب ماجو بعيالهم يطقونهم لكن اخواني مو زيي دايم عند امي 
ورجعت بيتي ولا علمت زوجي بشي  ..المشكله الان اذا جاء الويك اند هذا وش اسوي بزوجي اللي تعود ع روحتنا وانا ماايغى اروح واتوتر وولدي ينطق كالعاده ....وش اسوي وش اقوله عذر مقنع اني اجلس في بيتي ومااروح لبيت اهلي .ومن اللحين شايله هم نفاسي وين بروح ..وشكرا لكم مقدما ..