السلام عليكم ورحمة لله وبركاته
مبارك عليكم الشهر وكل سنه وانتم طيبين
لي فتره مادخلت ولاكتبت بس اليوم حسيت ني محتاجه اكتب ومحتاجه افضفض موعارفه كيف بدى
بس المشكله اني من وقت ادخل بيت اهلي الين اخرج وانااحبس دموعي موحاسه بالراحه ابد اتضايق بشكل محد يتخيله واندم اني زرتهم ولولا الملامه معد دخلت البيت كل وحد بحاله كل واحد شيل على لثاني كل وحد خايف من الثاني يحسده ومن اقل كلمه ماعاد يتحمل احد
امي ولاهمها تصدقون ولا يوم رحت لهم وجلست بالبيت مع اني اجي من سفر واكون عند اهل زوجي واجيهم زيارات الا ان من وقت ادخل تقول انا معزومه عند فلان بروح السوق وارجع وبنخرج نتمشى عمري ماحسيت انها تشتاق لقعدتي والله اني اغبط زوجي واخواته على عمتي مع انها قاسيه علي الا اني اشوف بعيونها مع بناتها واولادها الام الحنوووووون اللي ماقد جربت حنانها ياااااااااه قداايش اتمنى انها تعاملني مثل بناتها واتودد لها بس للاسف الحقيقه واضحه اني مو بنتها ولارح تقدر تعطيني نفس ماتعطي بناتها اذا نمت عند اهلي يوم امي اليوم الثاني تقول الواحده مولازم تترك زوجها ابوي يقول خليها براحتها وهي تقول لازم تروح لزوجها وانا ماجلست ا لا يوم واحد بس اه وش اقول وش ابقي وارجع لزوجي واقووول الله على بيت اهلي مامثله مااحس بالراحه الافيه وربي يعلم وش في صدري من الهم والغربه تفكروني مقصره والله ماعمري تشرطت ولاطلبت منهم شي ولا فكرت اخذ منهم شي مثل كل البنات يدخلون بيت اهلم وياخذون اللي يعجبهم بس انا احاول مااكلف عليهم ولا احب اكلف عليهم باي شي لاني مااقدر اعطيهم بحكم ظروفنا الماديه
والله ضايقه الدنيا فيه وموعارفه ابكي والا اشكي لمين اخواني مايفكرو يكلموني بالشهوووور
باختصار بيت اهلي ملياااااااااااان بالقسوه القسوه القسوه كلهم قلوبهم قاسيه
الدنيا مو بس قستهم الاقاسيه عليهم
اخوي الكبير اهل زوجته محاربينه ومايطيقونه ومفشلينه عند الناس لدرجة ان خطيبة اخوي الثاني فسخت الخطوبه بسبب كلام اهل زوجة اخوي الكبير
اختي معلقه لها سنتين
اخوي الوسط خطب وشاف البنت واعجبه موت واهلها زي ماقلت فسخو الخطوبه بسبب كلام الناس عن اخوي الكبير واختي
اخوي الوسط متوفي من خمس سنوات وعنده بنت ماتطيق تشوفنا بسبب اخوالها اللي عبو قلبها علينا عشان تبقى مع امها وتكرهنا
الدنيا قاعده تلطش فيهم وتطلش فينا موعارفه ايش السبب وبسبب كذا هم كرهو انفسهم وكرهو الناس وصارو يخاف كل واحد من ظله انه يخرب عليه او يحسده
مااقول عسى ماينتهي الشهر الا فرجت علينا يااااااااااااااااااااااااااارب
يلزم عليك تسجيل الدخول أولًا لكتابة تعليق.
لله يكون في عوننك طيب امك ماتقدرين تصارحينها ماتقدرين انتي بنفسك تغيرين جو الكابه اللي انتو عايشين فيه
اللهم اجعلني واهلي بنعمتك اخوانا
كرري هذا الدعاء اللهم الف بين قلوبنا وطهر قلوبنا من الحقد والحسد
كرري هذا الدعاء اللهم الف بين قلوبنا وطهر قلوبنا من الحقد والحسد
الصفحة الأخيرة
ويحنن قلوبهم عليك