اهلي والضمان ونفسيتي الزفت

اللهم صل وسلم على سيدنا محمد "(
مدري كيف ابدا بالضبط انا وحده مطلقه ويجيني الضمان وانتم عارفين كم يعطي بالشهر ، الحمدلله نعمه
بس عندي مشكله مسببه لي ازمه نفسيه
اهلي وبالذات اختي عينهم ع هالضممان وكان يصرف لي 10 الف بالشهر !
بقولكم بعض المواقف الي صارت كنا ذاك اليوم بحديقه ورحت وشريت لي مويه وجبت معاي لهم شوكلاتات ماكانت كثيره هذي الي تجي بعلبه وقامت اختي وامي وش هالقعاطه ليش ماجبتي كثير يعني المفروض فلوسي احطها كلها بشوكلا !! اعطوني واجيب لكم بس سكتت مااعرفت ارد
ومره اختي يوم جابت بنتها نشبت لي ابي ذهب لبنتي انتي عندك فلوس جيبي لي ذهب لها !
طيب فلوس الضمان حقت شهر ماتجيب طقم ذهب لبنتك ! واذا تكلمت الحمدلله والشكر قعيطيه بخيله !!!

مع اني وربي اغلب الاجهزه والاغراض الي ببيت امي تكون نصها من فلوسي اجمعي واعطيهم يجيبون
حتى لبسي اغراضي كل شي يخصني انا اشتريه من فلوسي غير انا مسجله بدار وفلوس السواق بالشهر 300 علشان يوديني ويرجعني
كم بقى لي من هالضمان الي حاطين عينهم عليهم !

المشكله اختي متزوجه زوجها مقتدر ويعطيها مصروف شهري ويعطيها فلوس اذا نزلت للسوق يعني الحمدلله اغنى مني ومو قاصرها شي
بس طفشتني بهالضمان وكرهت نفسي من كثر مايقولون عني بخيله وقعيطيه
انا اعطيهم الي اقدر عليه
بس لازم اجمع لي فلوس حقت عزيمه او عيد او زواج يبي لي اجمع لها فلوس من قبلها شهور
لان اهلي مايعطوني ولا ريال ولا حتى يسألوني تبين ولا لا
واصلا انا مااطلب منهم ولا ابي منهم شي
بس تعبت نفسيتي منهم ابي اعرف ارد عليهم رد يخليهم يحترمون انفسهم 😪💔