اهلي وزوجي بين نارين ...

السلام عليكم ...

اهلين ياحوائيات ..

بنات الله يخليكم تعالوا نستفيد من بعض .. من الخبرات اللي مريتي فيها ..

كيف اخلي زوجي يحب اهلي .. ويقدرهم؟؟..

وكيف اخلي اهلي يحبون زوجي ويعتبرونه واحد من العيله ؟؟..

مع اني هالحين داخله بمعركه شديده بين اهلي واهل زوجي بسبة اخوي وزوجته اللي هي اخت زوجي ..
شكلهم بينفصلون خلاص .. وحصلت مشاكل بين اخوان زوجي واخواني .. والامور جدا متكهربه ..
واول ماصارت المشكله قالي زوجي مانبي نفتح موضوعهم نهائيا على اساس مانتهاوش لاني انا بدافع عن اخوي وهو بيدافع عن اخته ..

بس للاسف لاحظت انه شوي شايل على اخوي واحسه شايل على اهلي ..

تكفون قولوا لي كيف اخلي الامور ترجع لمجاريها ..

والله يابنات ماتتخيلون شايله هم احس اني بواجه معركه شديده اقوى مني ..

احس اني اذا رحت لاهله بيحاربوني .. واذا رحت لاهلي وشافوا من اولادي تصرف مو زين بيقولون ايه من عمانك :o..

وانا وزوجي خايفه ندخل حرب هو ينتقد اهلي وانا انتقد اهله .. وهلما جرا ..

خوفي ان هالمعركه ماتكتفي باخوي وزوجته اخاف نلحقهم حنا ..




بنات اخته هي جنت على نفسها واخوي ماغلط بشي .. مااقول هالكلام عشان ابري اخوي لا والله العظيم ..

البعيد قبل القريب يدري انها مهيب سنعه .. والكل يقول هي وراها كذا ..

والله المستعان ماخفي كان اعظم .. اخوي صبر عليها عشان عياله وخايف انه يخرب بيتي .. بس خلاص هو ماعاد يقدر يتحمل اكثر ..