اهلي يجبروني على شايب

اقسم بالله قبل الاسبوع الماضي رحت لمستشفى الملك خالد للعيون وقالوا لي فيك مويه زرقه وضغط في الراس
جتني الامراض وانا في عز شبابي من كثر البكاء والحزن
جارنا عمره فوق 70 ويخطب فيني من 9 سنيين
واليوم جا ومعه اخوانه يقنعون ابوي
وابوي في كل مره يجون فيه يضغط علي
وهالمره قالوا اجبرها
وابوي ينفذا الاوامر حتى عماتي يتصلون علي يقولون وافقي والكل يقول لي وافقي واعز خالاتي تقولي جعلك المرض وافق ماهو من صغرك عمرك 30
شوفوا بس انا باقي لي على 30 شهرين يعني توني في نهاية 29
ضاقت علي الدنيا
والله اكتب وانا ابكي
ابغى رقم حقوق الانسان ... ابغى انحاش من هالبيت ... اي حياه باعيشها مع شايب بالله شلون باعيش مع هالشايب
وووووووووووع
يقول بيحطني في بيت لحالي ويجيب لي شغاله ... وانا اقولهم كذب كله كذب في كذب ...
اخوي يقولي وافقي بيعزك ... قلت له تبغى عروس صح ... قال ايه ... قلت خلاص تعرف فلانه ... قال ايه ... قلت
تزوجها ... قال هاذي كبيره كبر امي وارمله ... قلت طيب انا هذا كبر جدي مو ابوي ...
واحس اخوي اقتنع ...
لكن من يقنع الباقين ............
يابنات اللي عندها رقم حقوق الانسان ترسله لي على الخاص ... واللي تعرف الكروكي حقهم ترسله لي
لاني بصراحه ما اقدر عليهم كلهم ضدي ...
من سنة تخرجي وانا ادعي ربي يرزقني بالوظيفه وبازوج الصالح
والنهايه لا وظيفه ولا زوج ......!!!!!! شايب
حسبي الله عليه يارب يموت وارتاح منه حسبي الله عليه حسبي الله عليه
اليوم مسكت الجوال اكثر من خمس مرات احاول اتصل على الشرطه ... بس اقول الشرطه ما لها دخل
بس من الضيقه اللي انا فيها
كلهم ابوي وكلهم تغيروا علي ما عاد احد فيهم يقدرني ما عادا اخوي اقوله كلمهم يقول ما لي دخل اخاف يذبحوني معك
والله مدري وش قاعده اكتب
حسبي الله ونعم الوكيل
لا تقولين الزمي الاستغفار ... انا من يوم ما اصحى لين انام وانا استغفر واستغفر بكل الصيغ
لساني ما يوقف عن سبحان الله والحمدلله والله اكبر ولا أله الا الله
يوميا اقرا القران
وادعي في وقت الاسحار
ضاقتي بي الوسيعه مدري وش اسوي
بس ابكي واصلي وادعي وهذا حالي ... حتى علاقتي بامي حسنتها وصرت اكبر باره في امي
صرت اتحمل كلامها وتجريحها واتهامها لي ... عشان ارضيها ... وعشان ربي يرضى عني
ذنوب كثيرها تركتها لي تقريبا 4 سنوات وانا ملتزمه
لا إلــــــــــــــــــــــــــه إلا اللــــــــــــــــــــــــه
حسبي الله ونعم الوكيل

هالأضافه اضفتها بعد ردودكم
كلكم تقولين ارفضي انا رافضه وبشده
آه بس لو تجون عندي وتشوفون الاوضاع مره صعبه صعبه
يا بنات طلبتكم اللي عندها رقم صحفيه او صحفي تعطيني على الخاص
انا لازم افضحهم لا زم افضحهم
لازم اسمه على كل لسان وفيه وحده جزاها الله خير ارسلت لي رقم الشيخ
وش رايكم اتصل على الشرطه ... مدري امكن يسون شي
ابوي صاير وحش كاسر
ما تتصورون ابوي واخوانه علي من غير اتصالات اللي تجي من عماتي حسبي الله عليهم كلهم حسبي الله عليهم كلهم
يقولون لي شوفي فلانه وفلانه ما ضرهم
انا وش دخلني بالناس انا اهم شي حياتي
حسبي الله عليهم
هالاضافه توني كتبتها من حر ما فيني ما جاني النوم
بنات انا خطر في بالي حلول كثيره بس مدري عن عواقبها
يوم الخميس الجاي بس مو أكيد او أمكن بعد الاختبارات يعني بدايه العطله يبغون يجبون المؤذون وامي توها قالت لي
لانها سهرانه معي مره تحاول تقنعني ومره تبكي ومره تقول ارفضي المسكينه صارت حالتها اسوء من حالتي
انا اقول اذا اصروا على اتمام الموضوع ولا فكروا يغيرون رايهم راح انشر رقم جواله وصوره والقصه بالكامل على اليوتوب او الجرايد عشان اشهر فيه
هذا حل بس الله يستر من عواقبه
وفيه حل ثاني اتصل على الشيخ واوصف له بيتنا واقوله يجي يوم الخميس او اليوم اللي بيصير فيه القصف يخرب عليهم ويشوف حل ومره وحده يضبط المؤذون ويعاقبونه
لانهم على حسب علم امي راح يجيبون مؤذون على كيفهم يعطونه فلوس ... ابوي قال لاختي المتزوجه تعالي عشان يسألك المؤذون وتردين عليه بالموافقه على اساس انها انا ( ظلم ظلم )
اختي تبكي وتقول ابوي حطني في موفق ما احسد عليه
هاه بنات وش رايك اتصل على الشيخ واخليه يجي او من الحين ابدأ انشر رقمه وصوره وافضحه هذولي ناس ما ينفع معهم غير الفضايح السكوت مع هالاشكال مو حل ابداً
كل شوي اضيف على الموضوع من التعب النفسي
يا بنات الشمس اشرقت والنوم ما جاني وراسي بينفجر الم فضيييييع ... استغفر الله ... فيه وحده من العضوات قالت لي اتصلي على عادل عبدالجبار ياليت اللي تعرف رقمه ترسله لي
وش رايكم يابنات اول شي اتصل على الشيوخ واشوف وش بيقولون لان فيه بنات ارسلوا لي ارقام شيوخ جزاهم الله خير واذا ضاقت الوسيع باتصل على حقوق الانسان والله يجزاها خير اللي عطتني رقمهم اذا حقوق الانسان ما حلو المشكله من جذورها راح انشر معلوماته في الجريده
آآآآآآآآآه بس مدري وش باسوي بالضبط
المؤذون هذا حسابه عسير والله لا اتصل على الشرطه واخليهم يضبطونه يزوج الناس بالقوه مقابل فلوس اعوذ بالله من هالاشكال
حسبي الله ونعم الوكيل .... اللهم انم عيني واشرح صدري ...

ــــــــــــــــــــــــــــــــــــــــــــــ
الحين احنا بعد العشاء مانمت الا ربع ساعه ونومي متكدر بعد الله يفرج همي ويفرج هم المسلمات
بنات اليوم قال لي اخوي انوه اتفق مع ولد عمي يجي لما ابوي ويحجرني وبس
لان ولدي عمي قال لأخوي انا ما اقدر اتزوج انا انسان غير مقتدر(فهم اخوي غلط ) ... قال له اخوي ما ابغاك تتزوجها ولا شي بس كل اللي نبغاه اني افكها من هالشايب حسبي الله عليه ... انت بس حجرها وقل هي لي وبس عشان نفتك من هالشايب لا تخطب وتورط نفسك بس قل ابغاها وبس لين تتيسر اموري
وافق ولد عمي على انه يجي بكره لما ابوي ويقوله انا ابغاها بس لين اكون نفسي
ولد عمي واخوي اتفقوا على كذا
امي ارفضت الخطه ... قال لها اخوي لو يجيها واحد يخطب وهي موافقه عليه راح تتزوجه لان ولد عمي
ما راح يقفل عليها المسأله وما فيها تمثيل في تمثيل عشان نتخلص من هالشايب وحتى ما يقدر بعدين يجي يخطبها مره
ثانيه لانه بيقول خلاص هي لولد عمها
قالت امي على كذا ما راح احد يجي يخطبها لانهم بيقولون ولد عمها يبغاها وما تتزوج عمرها كله
ودخلنا بدوامه ثانيه وهذا اخوي ولد عمي يفكرون كيف يتصرفون
الله يعين بس
اليوم كله ما كلمت ابوي ولا حتى شفت وجهه من الضيقه اللي فيني
بنات اللي تعرف خطابات ترسلي ارقامهم عشان يتصلون عليه ويزوجونه ويفكوني منه