اهل الزوج

السلام عليكم ورحمة الله بركاته
حبيت افضفض لاي حسيت اني ابنفجر من كثر الضغط.انا متزوجة من سعودي وساكنة يالسعودية يعني غريبة في هدا البلد مالي احد غير الله سبحانه وتعالى وزوجي...لكن مااقول واهل زوجي.

لانهم حقروني كثير وتحملت والله اني كنت اجي من بلدي ولازلت اجيب لهم هدايا حتى ضرتي كنت مااقصر معاها لكن هي اللي عاملتني بقلة ادب قدام الناس والمصيبة قدام بنات الصغار بنات اخوان زوجي.
رغم اني ماتزوجت الا بموافقتها المكتوبة والموثقة .لكن حسبي الله ونعم الوكيل ...وارجع واقول ممكن تكون معدورة في اي تصرف لو كان وصلها اي ادى مني لكن انا عمري مااديتها ولا حاولت اهضم حق من حقوقها لان زوجي متعلق بيا بالعكس كنت انا اقوله روح هدا يومها ومافي اي وحدة تطرد زوجها تقفل الباب علشان اليوم من حق الثانية ....لكن بالنسبة لي هي اخر همي واي شي يجي منها مااعتبره لكن اللي قاهرني ام زوجي واخواته.
كلمة العيب ماراح تسمعيها منهم لكن كل شيء من تحتها .وكل شيء اتحمله انهم جاو يباركولي لما رجعت وولدي معاي جاييين ماحتى باسوا الكاس يعني يمثلوا انهم يشربوا العصير لكن دايما يسووا نفس الشي يجووا يباركوا ويخلوا كل شي على حاله ...ليه ....خايفين من السحر ...ليه مايقولوها..
ليه لما اول ليه مااكلته ولا شربته يقولوا عاملين رجيم.......مو وقاحة...
تكلمت مع زوجي قلت له ليه يجوا ماياكلوا شايفين انك مسحور يشيلوك ويشيلوني يودونا عند شيخ يقرا علينا ياخدوا حسنة واجر فينا.ادا شاكيين فالسحر يفكوه ليه لا
وقلت له على فكرة السحاين تطوروا ماعادوا يحتاجوا اثر ولا اسم الام ولا ياكلوا ولا شيء قال كيف اش صاروا يحتاجه يعني عنده شك انه انا اسحره ولا باسحر اهله ....يعني هم حاسيين اني فاضية ماعندي شيء اسويه في حياتي غير ادور دنوب لا واسويه فالناس ليه علشان يوقفوا لي فالاخرة ويعطوني من اللي مثقل عليهم اشيلوا انا قصدي دنوبهم ........اخر شيء افكر اسويه اني اؤدي احد انا مااحب احد ياخد يخفف عى نفسه سيئات ويحولها على رصيدي .
قبل نة تقريبا زل لساني مع احدى سلفاتي وكان الكلام كله عن زوجها زوج وطلق 3مرت وهي رابعة وكانت تسالني وانا والله العظيم بحسن نية رديت عليها وهي شكلها زعلت انه سافر فاول شهر زواجها لمينة ثانية لفرح من عائلته ومااخدها معاه فاستغلتني واستغلت كلامي لصالحها وطلبت الطلاق وهي عارفة انه مايقدر مين حيزوجه الخامسة وقلت فلانه قالت كدا وكدا وزادت من عندها وربي يشهد وانا مارديت ولاكلمت لكن لما اتصلتمع زوجها قلت لها خير وانا حاكون افضل وماحاقول الكلام اللي قلتيه والسلام وكنت وقتها حامل وسافرت ولاجبت سيرة الكلام اللي قالته وكل اهله قاطعوني ..احد يدور سبة لكن قاطعوني بدون مايقولوا اي كلمة خايفين من السحر ....
المهم هداك اخ زوجي جا لبلدي وجاء يباركلي وانا اعرف اللي زعلان واحد تكلم عليه يخليه فحاله المهم جاء وجاب خروف وبارك لولدي واتصل على ماما ابغى اجيكم العشا وجاء ولكن مااكل ......ليه..
خايف من السحر....
انا هدا الكلام يقهرني لكن الصبر المهم قال لزوجي امانه قول لزوجته لاتخبر احد اني جيت المغرب لا زوجاتي السابقات ولا الحالية ..المهم انه يوم العزومة جاء واتصلت على جواله من جوال ماما اسال ليه تاخر يطلع لي اتصالات المغرب ترحب بكم اول ماجاء قلت له روح شوف جوالك ايش يقول لتقول فلانة علمت عني وخربت بيتي ...لانه قال انا خربت بيته 3 لاني جيت لقيته خلص زواجتين في 6 شهور والثالثة تزوج عليها فالنفاس وهي كانت زعلانة المهم هو حر بحياته الى ان يدخل فحريتي يوقف جاي عندي تبارك وايش اللي جايبك اساسا لو ماتبغى تاكل ....
المهم انه اخواته وامه تفشلوا كيف انهم كانوا مقاطعيني وماباركلوا لي الا بعد فترة من الولادة يجي هو ويجي لين بلدي وبيتنا ويبارك لي ومنها اتصلوا هما ....لكن بعد ايه.
انا قررت اقاطعهم لاني بعد ماجيتتصرفوا تصرفات بايخة ولو انا مااخاف الله وماابغى اعصيه وارتكب اكبر الكبائر كان وريتهم اللي يخافوا منه واخلي كل واحد فيهم يموت فيا مو يكرهني اللي عنده يحطوهولي ومايروحوا مكان من غيري لكن الحمدلله لا اخلاقي ولا اهلي وديني يسمحوا لي باني اسحر احد لابقصد الحب ولا كره
ادا كان زوجي يحبني فهدا من الله مو من عمل يدي لانهم شافوا كم مرة طلبت الطلاق ومارضي يطلقني يمكن جوني اكثر من 10 مرات ف3 سنين يصالحوني عليه كيف اكون سحرته وانا كنت ابغى بس الفكة .لكن هما احرار بظنهم فيا لكن انا من واجبي على نفسي ان احفظ ماء وجهي ولا اعزمهم ولا اروح لهم اللي ماياكل عندي وخايف من السحر كيف اروح اكل عنده انا يعني هو منزل مايسحر ولا سحر بس في المغرب منقرض فالسعودية.
الحين حسيت اني برد قلبي بعد ماطلعت اللي فيه ........واسفة على الاطالة