اهل زوجي احرجوني وورطوني

صباح الخير خواتي حوائيات
كيفكم ان شاء انكم بأحسن حال يارب
اقولكم انا من شهر ثلاثه احتاجت اختي ودقت علي قالت لي شوفي لي جمعيه
دورت مالقيت كلها محجوزه او مبلغها كبير واختي ماتقدر عليه
المهم قلت خلاص بكون جمعيه عشانها ودقيت على خوات زوجي قالوا خلاص حنا معكم
وامهم كمان معنا طبعا" اختي هده زوجة ولدهم اللي اصغر من زوجي
المهم بدينا بالجمعيه وحنا سمن على عسل
وصار بيننا سؤ فهم انا وخواته وتطور الى ان صار بيننا مشاده بالكلام
وتقاطعنا لنا الان سته شهور متقاطعين
واختي صارت بينها هي وزوجها مشكله وطلقها وهي الان ببيت اخوي ولا يصرف عليها
عندها ثلاث بنات كلهم صغار يحتاجوا مصاريف ووزجي اللي يصرف عليهم
واخوه مافكر ولا يدري ان اخوه اللي يصرف عليهم يفكره اخويه ومطنش عشان ييبغى اخويه يرجعها له
المشكله انهم رفضوا يدفعوا الجمعيه وانسحبوا واحرجوني مع الناس وقالوا لزوجي حتى ادوارنا
مانبغاها
وضليت انا وزوجي ندفع بدل اختي لان زوجها رافض يدفع
وانا قلت بما انهم انسحبوا وسببوا لي احراج وكمان خساره بدل ما استفيد من هالجمعيه
طلعت خسرانه
اربعه شهور وانا ادفع جمعية اختي 300 كل شهر وباقي بدفع الى شهر ثلاثه الجاي
وفوقها صرفيه لها ولبناتها عشان زوجها اللي رافض يدفع
الحين انا في حيره ما ابي اظلم نفسي قلت هم قد دفعوا 4 شهور والحين تجي ادوارهم
قلت بسحب منها حقتي اللي جلست ادفعها عن ولدهم
والباقي بما انهم قالوا لزوجي حنا معد نبي ندفع ولا نبغى فلوسنا قلت بشيلها واعطي اختي
تصرفها على عيالهم اللي رافضين يصرفوا عليهم
ومدري اخاف اظلم نفسي
للمعلوميه قبل لا تختلف اختي وزوجها كان اوقات يدفعوا عن ولدهم
واغلب الاوقات هم اللي يصرفوا عليهم لان زوجها راتبه ضعيف تقريبا" خمسه الف
وادا احتاجوا عطوهم على طول يعني كان بإمكانهم يدفعوا عن ولدهم بس يبغوا يحرجوني
مدري وش رايكم
اعتدر عن الاطاله بس حبيت اوضح لكم الصوره واللي عندها احد ملتزم او فاهم في هالامور
تسأله يجوز لي اخد حقي بهالطريقه
ويجوز لي اعطي اختي الفلوس اللي قالوا مايبونها حقتهم بالجمعيه لانهم مايصرفوا علي بناتها
قلت هي اولى فيها
وجزاكم الله خير