السلام عليكم بنات
بالمختصر اهل زوجي ناس حقوودين خبييثن قسم بالله اتخيلوا مسوين لي مشكلة على العيد يريدوا زوجي يطلقني علشان ايش ؟ ام زوجي مره رسلت صور سلفتي ل زوجي بملكتها كانت كاشخه و شعرها برا و ابدا مش متستره و سبحان الله انفتح تلفون زوجي بيدي كيف ما اعرف مع انه حاط مليون باسوورد و مليون رمز و انا ما اعرف كيف انفتح التلفون بس علشان اشوف خباثتها المهم لما شفت اشتغلت بقلبي الغيره و الكره اتجاه عمتي لان لما كنت ساكنه ف بيتهم كان اذا يطلع شعره من راسي تروح توز بعقل زوجي و عقل عمي و سويت مشكله ل زوجي و كنت منقهره و راح زوجي اشتكى ل اهلي و وقفوا معاه و مع امه و طلعوني غلطانه المهم اعتذرت ل زوجي و سكرت ع السالفه و مرت بعد فتره تهاوشت مع زوجي ع شي سخيف و قام مد يده علي و بهدلني وتفل بوجهي و بنفس اليوم ماتت جدة زوجي و رحت على منطقتهم عشان اعزي عمتي الحيه و عزيتها المهم ذيك الليلة زوجي بغى يلمسني و انا كنت كارهته بسبة مدة اليد و سويتله مشكله قلت له ما تلمسني لاني كرهتك قام رجعني مسقط و ما خلاني اكمل العزا المهم كلمة عمي و ابوي قلت ل ابوي هذا يسبكم ليل نهار يقول عنك كلب و عقلك صغير و انه امي خبيثه و يمد يده علي بكل صغيره و كبيره المهم انا اتشكى و هو يتشكى قام هو جاب سيرة صور سلفتي و اني سويت مشاكل عشان الصور و قال عمي انه ما يحق لج تفتشي تلفونه و تشوفي الرسايل و ابوي كلمهم بكل ادب و احترام و ود و ما غلط عليهم ابدا و قال انا مسامحه ع السب و ان شاء الله يتعدل المهم اتفقنا انه اللي صار بينا ما يوصل لا ل امي ولا ل امه لانهن ينتظرن الزله المهم ابوي ما خبر امي لكن ابوه المهسهس راح يركض يخبر عمتي قامت عمتي قالت هذي فتشت تلفوني مب تلفونه ولازم يطلقها وليش ما طلقها انت اقنعته انه ما يطلقها و سوت مشكله كبيره ل عمي و عمي اتصل على زوجي يقوله امك مصدعتني و مسوتلي مشاكل تريدك تطلق زوجتك و زوجتك مفتشه تلفون امك اقسم بالله انهرت من خباثتها يا ناس ما اذيتها و رايحه متعنيه اواسيها لكن من دخلت بيتهم و هي ما تطيقني و تريده يطلقني اذا حطيت مناكير تروح تقول ل زوجي شوف زوجتك شو تحط و اي حركه كانت تحسبها علي و انا ف بيتهم اتخيلوا اني ما اخذ ابدا مصروف من زوجي حتى ملابس العيد ما افصل كل هذا ما يقولوا زوجة ولدنا ما تاخذ مصورف ما فصلت للعيد ما اشترت ملابس ل بنتها ما عمرهم عطوني عيديه لو ريال و فوق كل هذا يسولي مشاكل حسبي الله عليهم الف مره عكرولي مزاجي و خربوا عيدي ارجوكم ارشدوني ايش اسوي اتطلق ؟ لكن اخاف العيشه ف بيت اهلي صعبه و احس ما رح يتقبلوني بعد ما اتطلق والله خايفه مع العلم زوجي بالبداية كان واجد يحبني لكن الحين بعد ثلاث سنوات تلاشا الحب
ظن حسن @thn_hsn
عضوة جديدة
يلزم عليك تسجيل الدخول أولًا لكتابة تعليق.
العنود47
•
لا لا تتطلقي حاولي قد ما تقدري تبعدي عن اهل زوجك واضح ان امه حاقده عليك لا تخليها تعبي راس زوجك عليك
اول شي رتبي امورك مع زوجك مثلا اتفقي معاه بيوم حلو يكون رايق هوا و جهزي هاليوم بطريقتك واذا عندك اطفال حاولي تودينهم عند اهلك اذا تقدري لو ساعتين واتفاهمو ع الوضع اللي انتو فيه واهم حاجه الاحترام بينكم ولا يمد يده عليك يكون تفاهم حلو لطيف مع شوية كلام حلو وفهميه انك تحبين امه وقولي له مالومها انت ولدها ومن حقها تحبك وممكن حاسه وفاهمه غلط اني ببعدك عنها وبالاخير مانلوم قلب الام لكن انت زوجي وانت رجال وكفو وابيك تساعدني تقربنا من بعض ومهما يصير هذي عمتي ام الغالي تاج راسي مارضى تزعل مني ومن هذا الكلام قوليله ،، حاولي تتقربي من عمتك ادري صعب عليك لكن جربي هالطريقه تقربي منها اكسبي قلبها مثلا جيبي لها هديه بلا مناسبه ومن فتره لفتره اتصلي عليها تطمني واحيانا ارسلي لهم اكله تحبها وبيوم كلميها اعزميها ع قهوه وسوي لها الحلا اللي تحبه وكذا بعد فتره خذيها معك السوق وامدحي اي شي فيها مثلا طبخها او حتى شكلها حسسيها انها لساتها صغيره وحلوه 😅 مثلا بيوم اساليها عن اكله معينه كذا يكبر راسها وتحس انو محد قدها حتى لو بيوم صادف عشاء او اي شي هيه مسويته امددددحي اللذاذه وكمان لاتنسي زوجك وضحي له انك تشتاقين لامه مثلا وانتو كذا تسولفون قولي والله اني اشتقت لعمتي وبيوم سوي حلا وقولي بروح لاهلك وبيوم قوليله اشرايك نعزمهم ع مطعم او بالبيت وبيوم قوليله ابغا اخذ هديه لعمتي ومن هالكلام الحلو لين ماياخذ فكره انك مرا تحبينهم وبكذا مايصدق اي كلام يسمعه عنك ..
الصفحة الأخيرة
وان شاء الله تتيسر وتنحل المشكلة باقرب وقت يا حلوة ❤.