اهل زوجي والشغاله وانا ( ساعدوني )

السلام عليكم يا حوائيات
بنات الله يخليكم شورو علي خلاص ما عدت اقدر افكر
بقولكم السالفه وانتو شورو علي

الله يسلمكم اهل زوجي عندهم شغاله ( الله ينتقم منها )
نقاله كلام يعني انا قبل ما اجيب ولدي ما كان عندي شغاله وعايشه عادي
بس لما حملت حملي كان صعب وقبل ما توصل شغالتي كانت تجي هي تتشغلي بالبيت
وكانت تقولي حماتك تقول فيك وفيك وفيك خوات زوجك يقولو فيك فيك فيك
طبعا انا ما صدقتها ولا عندي خبر بس تعرفون الحامل عقلها خفيف وحساسه
بس كنت اكتم في نفسي وابكي واقول انا عمري ما غلطت عليهم ليش يقولون فيا هالكلام
والي خلاني اقتنع بكلامها شوي انها كانت تقولي علوم قبل ما هي تجي
يعني اشيا صايره قبل ما اتكون هي موجوده وما بتعرف عنها الا اذا حد فعلا خبرها
المهم انا مش راعيه مشاكل و سكت وكتمت و لا حتى خبرت زوجي
وكون اهلي ساكنين في مدينه ثانيه كنت ايام الحمل اطلب من زوجي اني اروح عند اهلي
وفعلا كان يخليني

امس اكتشفت انه الشغاله تسوي نفس الشي مع سلفتي الي قاعده معاهم بالبيت
والفرق الي بيني وبين سلفتي انه سلفتي قامت واجهتها بالكلام
والمفاجاه كانت انه اهل زوجي كلهم صفو بصف الشغاله على مرت ولدهم
وكذبوها واتهموها انه خرابه بيوت
وطبعا دخلو اسمي في السالفه وانا قاعده بعيد عنهم وفي ملكوتي ( نحن اثنين بس زوجات اولادهم)

لما جا زوجي واجهني انا قلتله الي صار بايام الحمل كلها انها كانت تقول وتقول وتقول
قالي سمعي انا بجيب اختي الكبيره البيت و قولي لها الكلام كله

وانا بيني وبينكم احس انه الموضوع كذا بيكبر كثير وخلاص امس سكرناه عند خالتي ام زوجي وحبيت راسها واعتذرت مع اني مب غلطانه وقلت لها اذا وصلك اين غلطت عليك سامحيني وكذا

فايش رايكم اخليه يجيب اخته وافتح ملفات قديمه ولا خلاص نسكر الموضوع على هنا

الله يخليكم خواتي شورو علي
انا استخرت واحساسي يقولي خلاص سكري على الموضوع لانهم بتاذون اكثر من الكلام