اه الهي ساعدني

اخواتي الحبيبات عندي مشكلة اتعبتني وامرضتني ونغصت علي حياتي ووالله الذي لااله الاهو اني اكتب الان وانا ابكي ومابي حرمني لذة النوم الساعة الان الثانية والنصف صباحاً
كل هذا بسبب ناس الظلم يمشي بدمهم ناس ماعندها مشكلة انها تهين وتجرح
اكبر همهم كيف ينغصون على خلق الله حسبي الله ونعم الوكيل
والله يابنات اني حاسة ان اتكلم مع خواتي واللي ماحولي منهم احد كل وحدة بمدينة
خواتي انا تعبت من ام زوجي واختة والله يستانسون اذا ظلموني ونكدوا علي والله حتى شغالتي وقفوها ضدي واقلبوها علي زوجي نفس الحالة يروح من عندي راضي ويدخل علي زعلان من عندهم
المشكلة ساكنين معي بنفس البيت بس لهم ملحق يعني عندها مطبخ وكل شي بس المدخل مشترك
والله وانا احلف بالقدير العليم السميع البصير ولا وحدة من حريم عيالها سوت معها اللي سويتة قايمة فيها هي وعيالها اذا جوا عندها قومة مو طبيعية وساكتة ماتبرمت وعااادي بس هم كل شي مدخلين نفسهم فية دراستي وحرموني منها وطلعات نفس الشي حتى السفر لاهلي ماعاد اروح الا بالسنة حسنة .... تحملت ازعاج ووساخة عيال عيالها وانظف وانا ساكتة ومع هذا ماسلمت من شرها والله انها تستغل الفرصة عشان تضايقني والله حتى الكوفيرة ماعاد دخلت بيتي الا بالدس .... احيان كثيرة افكر بالطلاق بس افكر بعيالي كلمت زوجي اكثر من مرة خلهم يفكوني من شرهم بس مارد علي رغم اني متأكدة انه شايف ظلمهم بس مع هذا ماتحرك رغم ان واحد من اخوانة مسكهم وبهذلهم عشان زوجتة والان والله يحترمونها بشكل مو طبيعي
ملابسي تدخلوا فيها اللي يزورني تدخلوا فيهم وليش وماليش ....
اللي تاعبني لو انهم فترة ويروحون كان قلت اصبر بس لا باااقين معي البنت عمرها 35 ومع هذا تحسون انها اربع سنوات على تصرفاتها اذا صار يوم وطلعنا دخلوا البيت واخذوا جولة فية وماعندهم مشكلة بشي الى درجة مرة سافرت لاهلي ويوم رجعت جلست اسبوع ادور اغراض المطبخ وبالاخير طلعت عندهم ....الله يجزاكم خير ادعولي
كل من مرت على هالموضوع تدعيلي ان الله يفرجها علي من عندة والله جتني قرحة بسبب اللي انا فية ياليتني اقدر ادافع عن نفسي واواجهم واتمشكل معهم مااقدر احترم زوجي هذا اول شي ثاني شي عندي عيالي ويشوفون ماودي تعلق الصورة بذهنهم رغم انهم اطفال بس حتى هم ماسلموا من شرها والله السلام ماتسلم عليهم تخيلوا جدتهم ماتسلم عليهم حسبي الله عليهم


يارب كل من رفعت يدها ودعت لي انك تحفظها وتسترها وترزقها من حيث لا تحتسب اللهم احشرها مع زمرة الشهداء والصديقين امين يارب العالمين