اول مرة اكتب هنا ساعدوني..

السلام عليكم ورحمة الله وبركاته


بدون مقدمات..

انا عندي شغاله فلبينيه من 5 شهور الحمدلله مسلمه ونفسي مطمئنه منها

المهم هي معها جوال واذا طلبت تكلم اهلها نعطيها بطاقة وتكلم او تكلم من جوال زوجي

وكذا مره تكلم من جوال زوجي المهم اليوم جاء لزوجي مسج فيه كلام مادري ايش ورقم ثابت من الرياض وجوال

لما سالتها قالت ايوه هذا رقم بنت خالتي بالرياض شغاله واهلي ارسلوه لجوال بابا يحسبونه جوالي


عاد انا قلت الواحد لازم يصير حريص ... دقيت على الثابت وردت علي وحده سعوديه المهم قلت له كذا وكذا

قالت لا انا مابي احد يكلم على شغالتي وسالته هل مع شغالتك جوال قالت لالا مامعها واذا وده تكلم

اهلها اخليها تكلم من جوالي او الثابت

لما سكرت السماعه رحت لشغالتي وقلت له انه مدام حق رقم ثابت بالرياض ماتبي احد يكلم شغالتها

وسالته رقم الجوال الثاني اللي بالمسج حق مين ..قالت.. حق شغاله بالرياض بنت خالتي >>اللي هي تبع اللي كلمت عليه

وهي كانت تقول لي ان شغالتي مامعه جوال؟؟

السؤال يابنات....


هل ادق على الحرمه واقول لها ان شغالتك معه جوال وهذا رقمه ؟؟ او اسكت وهي المفروض تكون منتبهه لها؟؟؟

افيدوني الان وش اسوي مع الحرمه والا اسكت ماقول لها شي..

الله يسعدكن دنيا واخره..