اول مره اشكي عن اللي قاهرني ومتعبني..

السلام عليكم ورحمة الله وبركاته..

انا تعبت من كثر ما اقعد اصيح كل يوم واكتم في قلبي احس قلبي يعورني..
انا صارلي سنتين متزوجه وفرق العمر بينا 4 شهور بس اعمارنا 20 سنه وهو غريب عني تماما المهم اول ما ملكنا اشترطت عليه اني بعد سنه من العرس اطلع سكن لحالي وكانت في معارضات في البدايه بس بعدين وافقوا وتمت الملكه وجلسنا سنه مالكين وعقب جا العرس وسكنت عند اهل زوجي في غرفه وصاله صغيره والبيت مزحووم ابوه متزوج حرمتين وكل وحده عندها ماشاءالله فوق العشره وفي نفس البيت و2 من اخوانه متزوجين اخوات ومشاكلهن معاي ما تخلص كل يوم مشكله جديده وكلام وتنغيز ماله داعي كل يوم اصيح وادعي ربي اني اطلع من عندهم وكل ما اشكيله اقوله يالله نطلع يقول ما اقدر اغطي مصاريف البيت مع انه يعطي اهله 7000 شهريا مصروف اكلنا وقعدتنا عندهم مع ان ابوه عنده خير واخوانه بعد يعني لو طلعنا هال7000 بتسكنا في احلى شقه وبنصرف وبنلبس تخيلوا ندفعلهم 7000 واغراضنا الخاصه مثل عصاير وحلويات وكلينكس وصابون......الخ كله على حسابنا وفوق هذا ياليتنا مرتاحين بس يعاندني ومو عارفه كيف اتصرف معاه تعبت من اهانات اهله ورسمياتهم.. بصراحه شخصيته وايد ضعيفه عند اهله ويخدمهم بشكل مو طبيعي مع ان اخوانه وايدين بس يعتمدون عليه كانه مندوب يشتغل عندهم حتى كلمة شكر ماشي بس ودي هذا وجيب هذا ووصل هذا..
والمشكله الثانيه ان دوامه 10 ايام ب10 ايام ويوم يداوم اتبهذل في التكاسي واتعب يوم ابغا المستشفى او ابغا عند اهلي وكل ما افتحله موضوع الليسن يقولي الشهر الجاي وصارلي سنتين وكل شهر يقولي الشهر اللي بعده ما عنده كلمه مع ان خواته كلهن يسوقن ..
والحين طالعلي بسالفة ثانيه انا الحين نفاس وجبت بنت ومايحبها ابد ما ادري شو سالفته مع انها تجنن بيضا وشقرا وكل من يشوفها يجن عليها بس ما ادري ليش يكرها ويوم يزورني اول ما يسمعها تصيح يسبها بكلام قوي ويجرح وفوق هذا مره كنت اكلمه في التلفون واقوله بنتك مشتاقتلك وتبغا تشوفك قال اصلا انا ما احسبلها حساب قهرني هالكلام وكل ما يزورني عند اهلي يقعد طفران ومضايق يبغي يروح عند اهله ..
ملييييييييييييييييييت وتعبببببببببببببت منه ..