اول مره اكتب مشكلتي اتمنئ تساعدوني 💔متضايقه

سلام عليكمم كيفكمم جميع يارب تكونو بخير
حابه افضفض لكمم بمشكلتي يمكن الاقي دعوه حلوه او حل بحاول اختصرر قد مااقدر ..

مشكلتي يابنات مع زوجي انا متزوجه خلصت الحين 3 سنين بالضبط وعندي ولد سنتين وثلاث شهور طبعا زوجي ماكان ابدن الشخص اللي كنت اتمناه ابدااا ومن يوم النظره مااحبيته كشكل بس ع المدح في اخلاقه مشيت سالفه الشكل وحاولت ايامهاا اعرف شخصيته واقول يارب يكون بينا انسجام وتفاهم ع الاقل طبعاا للاسف ماكان في هالشي شخصيته غريبه عصبي فااشياء تافهه تفكيره غريب بدات مشاكلنا من ثاني اسبوع بالملكه مع العلم اني جلست سنه ونص وزياده مملكه كنت معلقه ع الفاضي يعني ماكان يجهزز او يرتب وضعه سفريات وسهر زادت مشاكلنا طلبت الطلاق وحاولت بس جا الرفض منه ومن اهلي ع اساس بيتغيرر وياليتني تتطلقت وريحت نفسي بختصار هو شخصيته فالاصل طيب لكن لسان طويل وعصبيه ويمد يده مرات وكلام جارح احيانا ..مايهتم كثير فالصلاه شفت حشيش معه مرتين يحب السفر ومدري اذا له فالبنات بس يحب يتفرج مقاطع الرقص الوصخه والمفصخات ..حالياا بعد هالمده افكر فوضعي وانقهرر ع نفسي مره احس حياتي ممله مافيها طعم روتين ممل لاخرجه زي الناس ولا مصروف بس اكل ونوم وكأن هذا الشي اللي مفروض يوفره لنا ابي اتذكر مره طلعنا وسهرنا برواق بدون خلق ضيق وعصبيه كانت بشهر العسل لانه بعد ماجا ولدي صار عصبي ويتعذر انو حيطفشنا وماحيخلينا ننبسط طيب انا اشوف الناس اللي جالسين بعيالهم 3 واربع ومبسوطين ليش انت صعب عليك طفل واحد فااكتشفت انو عذر فقط مايبغئ يطلعنا وبس صارت طلعتنا لفلفه بسياره يعني نفس الشي محبوسين واذا نزلنا مكان نص ساعه ونرجع ولاحق المشوار والسوق حدث ولاحرج يكره الاسواق خلاص لازم انا كمان اكرهاا ومااروح الا اذا جت مناسبه ومهمه بعد مو اي شي افففف احس اني تعبت مره حتا البيت مو ماثث زي الناس ولايبي يسوي فيه شي ماعندي مجالس ولاغرفه معيشه زي الناس ولاحتي لولدي غرفه مع ان عنده فلوووس بس مايطلعها لي الابالقوه واذا طلبت سوق الاقي 200 و300 وبالغصب كمان ومدري اش تكفي لي ولا لولدي ولا تنظيفاتي من حلاوه وغيره وياكثر المواقف والمشاكل مدري واش اقول وش اخلي اللي قاهرني مايبغاني اتوظف ولاحتا يكون لي دخل حسيت انو مايبغاني اكون احسن منه يبغا هو الكل فالكل ودايم يغالطني بكلامي ويفهم من راسه هو حاسس اني افضل منه غير كذا اهله مشكلتي اني سكنت معهمم بنفس العماره ندمانه اشد الندم لاني مااخترت سكن بعيد هو الصدق ماجاني منهممم شي ماشفت الاالخير لكنن لابد من غيره الحريم واخوات الزوج بالذات اني شايفتها بعيونهم ودقهم لي بالكلام احيانا غير كذا معاملته لي قدامهم غريبه ينفخ ويكلمني بعصبيه ومرات يحرجني وهالشي مالقيت له حل ليه يسوي كذا ؟بنات انا بطبعي انسانه هااااديه ومسالمه وخجوله واحب اضحك وافرفش واحب الرومنسيه يالله لما اشوف زوجين ماسكين يد بعض ويمشو وربي اتعب نفسياا محرومه من الكلمه الحلوه والجلسه الهاديه💔 عصبيه واذا عصبت اخربهاا وقليل اعصب قبل فتره طلبت نفرش الصاله والمجلس نفسي اهلي يجوني محد طب عندي من يوم تزوجت تعذر انه ماعنده فلوس وبعدها باسبوع حجز ع دبي وراح ولاهامه وقبلهاا طلبت برضو نسوي شي للبيت قال ماعندي وصارت مشاكل واتفاجاا انه اعطي اهله فوق 12 الف طيب وانا؟؟؟اوكي اهلك ع عيني وراسي بس ليش الطلبات حقتهم اوامر ونا اخر اهتمامك ؟دايم هذا كلمته ماعندي واتفاجا بعدهاا بفلوس تتطلع مدري من وين عرفت انو مايبغا يعطي ...والله يابنات اني كل يوم ادعي انه يموت ولا يصير فيه بلا من القهر اللي اعيشه انسان عايش لنفسه اهم شي يدلع نفسه ويسهرر وينبسط وخلاص حتا العلاقه الخاصه كرهتهاا نجلس بالشهور بدون شي كاننا اخوان واصلا من زينه مابغئ نفسي عافت كل شي منه من داخلي اكرههه وماني عارفه شسوي احس حياتي تمشي ونا زي ماانا مايبغاني اتوظف ولا اطلع ولا اطلب تعبت حتا شكلي تغير ورب البيت اني ككنت قبل الزواج ملكه ومرتاحه نفسياا ومادياا ماتوقعت اني حتغير كذا توقعت انه بيبسطني ويغيرني زياده للافضل حتا سفر ماسافرت ولاشفت شي شهر العسل كله مطاعم واكل تمنيت اشيا كثير ولاتحقق منها شي غير نكد وقرف حمدالله ع كل حال نفسي اتغير يابنات تعبت مره مااقدر اتحمل الوضع اللي انا فيه نفسيتي زفتتت 😔💔نفسي في انسان يفهمني يسولف معاي يحس فيني يعاملني كاانسانه ...صرت افكررر بالطلااق كثييرررر

وبسس اتمنئ منكمم راي حكيم ودعوه حلوه