اول مره بحياتي أمتلك 10 ألاف وظروفنا صعبببببه كيف أضاعف هالمبلغ تكفون ساعدوني

اختي اذا انتي شاطره في التسويق والتجاره ممكن تشتري بمبلغ مثلا ثلاثه الف اكسورات وبضاعه الاشياء النادره في المنطقه مالكم وتبعينها والله لها ربح كويس وكمان ممكن اذا انتي شاره في الطبخ تسوي لا او كيك ترى سوقها مااشي والله ترجعي اضعاف مبلغلك باذن الله اي شي انا حاضره

لاااااااااااااااااااا ترى ماعندي احد يشتري بضاائع ابدااااااااااااااااا

ابغى غير التسويق تكفووووووووووووووون

ارسلت لك عالخاص

الله يوفقك و يفتح لك أبواب رزقه

تقدري تدخلي دورة تجميل و بعدها تشتغلي عند مشغل أو تتعاقدي مع مشغل تجينهم وقت الزحمة أو حتى تجهزين شنطة و تشتغلين بنفسك بين معارفك

أو تشتري طابعة و سكانر و تبدأي تشتغلي عليها تصلحي مطويات و عروض و أبحاث للمدارس و دور التحفيظ
تقدري كمان تطبعي أوراق التحضير للمعلمات أو تصلحي إرشادات مدرسية و جداول و غيرها من أشغال المدارس و كل شيء بحقه

أو تاخذي دورة في الخياطة و تشتري ماكينة خياطة تشتغلين عليها تخيطين طقم الصلاة ، أطقم للمواليد ، مفارش طاولات / مراييل المدارس للبنات ، أثواب للأولاد الصغار ، أطقم للحمام و المطبخ و طقم للشاي و غرف الجلوس ... إلخ و تعرضيها إما من خلال النت أو معارفك أو تتفقي مع محل يبيعها لك و ممكن إذا أتقنت الخياطة تخلينها بس لتعديل فساتين الأفراح من تستير و تضييق و غيرها بس لازم تكوني متمكنة من الشغلة و ممكن تجربي على فساتينك و فساتين أخواتك و صديقاتك

أو تجهزي بها غرفة في البيت و تخصصينها تستقبلي فيها الطالبات للمرحلة الابتدائية و المتوسطة و تعطينهم دروس تقوية

حاولي تدورين على بازارات في منطقتكم و اشتركي فيها إما تبيعين أكل أو تشترين البالونات الهيليوم أو الرسم على الوجوه

أيوه و كمان تقدري تتدربي على نقش الحناء و تشتغلي فيه ربحه كويس و بيجيب لك دخل خاصة في الأعياد و المناسبات

الأفكار كثيرة بس تحكمها ظروفك
عندك سيارة و الا لأ؟
تقدري تجهزي في بيتك مكان للشغل أو لا؟
هل الخدمة أو الشغلة اللي بتسويها عليها طلب أو لا؟
اش العوائق اللي ممكن تواجهك و كيف ممكن تحلينها؟


إن شاء الله أفدتك و تلقين المشروع اللي يناسبك

شووفي ياقلبي قبل اي شي تسوينه استخيري وتوكلي على الله اولا وثانيا ادرسي المشروع من جميع نواحيه
ممكن تشترين سبيكة ذهب وتبدأين تبيعينها وقت مايرتفع وتشترين وقت ماينخفض >>يبغاله صبرر وانتظار
وممكن تفصلين فستان عروس بموديل مناسب وحلو وتاجرينه وربي العرايس يتمنون يلقون شئ زي كذا وتعرضينه فالنت
او تشترين اغراض مو موجوده الا نادرا وتعرضينها عن طريق موقع اليكتروني
الله يوووفقك ويرزقك ياااااااارب