اول يوم لي بخلطه صابونه الغار ......شوفوا وش صار لي .......

اهلييييييييين اخواتي


كيف حالكم....


اول شي اكيد تعرفون خلطه صابونه الغار الي تبشرينه وتحطين جليسوليبد وفكس وفنجان زيت خروع ......الخ


المهم


انا امس بالصبح اول ماقمت بشرت الصابونه وحطيته تنقع مع الماء الورد مو فترة الا طوووولت من الصبح الى الساعه 3 بالليل وهي تنقع لان رحنا لعزيمه ولما جيت كملت الخلطه

المهم اضفت باقي المكونات وخلطه زين بخلاط اليد لما صار خليط متماسك وحلو

واحطه على كل جسمي ووجهي وشغلت المروحه والمكيف عشان شوي ينشف على جسمي لان صعبه البس بيجامه والخليط ماتشربته البشرة...

ورحت سويت رياضه وحسيت شوي نشف ولبست بيجامه ونمت (للملاحظه صاحبه الخلطه قالت نتركه ساعتين عالجسم )

وانا نمت تقريبا 4 ونص ونمت وماقمت الا الساعه 9 بالصبح وبعد ماافطرت جبت ليفه حقت بودي شوب القفاز وحطيت عليها ملح الناعم (ملاحظه صاحبه الخلطه قالت ملح خشن مع ليمون)

بس انا الملح الخشن لما استخدمه يقطع جلدي ويجرحه عشان كذا استخدمت الناعم وماقدرت احط ليمون قلت الليمون بعد مااطلع من السباحه

وقسم بالله افرك جسمي تفريك لما صرت حمرا من التفريك

واغسل جسمي ورقبتي بماء دافي قسم بالله يابنات لو تشوفون السواد الي طلع من جسمي


والله عويناتي صارت كذا :blink: :eek:

قلت وش هالاسود الي طلع من جسمي.....؟؟

بس وجهي مافركته بالملح لاني خفت على وجهي (تخبرونه هو راس مالي :biggrin: )

وجبت الصنفرة بالمشمش الخاصه بالوجه وفركته على شكل دوائر وبعدين غسلته بماء بارد
وبعد ماغسلته جبت التقشير اليومي من كلين اند كلير الي فيه حبيبات زرقاء صغيرة وقشرت فيه وجههي

وجبت الليفه حقت بودي شوب وبشكل خفيف مررت الليفه على شكل دوائر على وجهي وبعدين غسلته بماء دافي

المهم لما طلعت عاد من السباحه

جبت نصف ليمونه وجلست افرك فيها الاماكن الغامقه مثل الكوع والركبه واليدين والرجول مع انها مو غامقه حيل

وجبت كريم الجليسوليد مع فكس وحطيته على الاماكن ذي ولما نشف حطيت كريم الخاص للسولكر حق الرجول والركب والاكواع
وحطيت السولكر على هالمناطق بعد مادهنتها طبعا

قسم بالله يابنات والله شاهد على كلامي
ان هذا اول يوم لي واحس ان جسمي مفتح وناااااااااااعم مرة حتى وجهي ناعم ويلمع

وماصدقت قلت يمكن اتوهم لكن شفته زين قسم بالله حسيت انه تفتح حيل

ومدام ذا اول يوم كيف لو استمر عليه؟؟؟؟؟؟:confused-

انا باستمر عليه لمدة اسبوع واكتب لكم النتيجه باذن الله على خيرر

وغير كذا اليوم بعد ماشفت النتيجه قررت اصور نفسي بكاميرا الفيديو وبعد اسبوع اصور نفسي بنفس الفلم واشوفه عشان الاحظ الفرق زييييييييييييييييييين

بس للاسف الكاميرا خربانه:rotaeye:

لكن ابصلحها ان شاء الله واصور عشان اشوف بعيوني واجمع كل العائله الكريمه يشوفون قبل وبعد




ولي عودة لكم باذن الله بعد اسبوع اقولكم النتيجه


والله يجزاك الف الف الف خير ياصاحبه الخلطه

تقبلوا محبتي
اختكم
عيون الملاك