ايش الحل مع اهل زوجي

السلام عليكمورحمة الله
يابنات بقولكم عن الي صار لي بالعيد
اولا علاقتي عموما مع اهل زوجي شبه جيده لكن المشكله اني احيانا احس انهم مايحبوني وانهم يفضلون حريم اعيالهم الثانين علي اول ماتزوجت كنت اقول معليه يمكن لان الي قبلي من عمرهم ومعهم عشرة عمر وانا توني جديده لكن لما جت زوجةولدهم الصغير بعدي باربع سنوات لاحضت يعاملونها بعد احسن مني ومهما تغلط يدافعون عنها ولا يصدقون عنها اي شي علاقتي مع ام زوجي جيده لكن الكلام الحين عن خواته وخاصة الكبيره يعني مثلا اجيهم من العصر واقعد في غرفة الجلوس الى قريب المغرب ماحد يجي جنبي وهم قاعدين بالصاله وطبعا ماقدر اقعد معهم لان اخوانهم يمرون بالصاله ولما تجي مرة اخوهم الي اكبر من زوجي ماتقعد نص ساعه الاوكلهم جايين وتقول الكبيره انتي من زمان هنا؟والله مادرينا.....بالله موقهر وانا اسمع هالكلام
وبالذات الكبيره هذي مادري ليه ماتحبني يمكن لان شخصيتي قويه مثلها فنتصادم مع اني والله اكلمها بحسن نيه دايما او لان كان في خلاف بينها وبين امي قبل ماتزوج مع العلم يابنات انهم ماخذوني لولدهم الا بصعوبه موبالساهل وتعبوا كثير علشان يوافق ابوي
نسيت نفسي وانا اكتب من القهر ونسيت اقول ويش صار يوم العيد زوجة اخوهم الثالث علقت على لبسي (وبدون مدح لنفسي انا اغطي عليهم في البس والكشخه دايما) ورديت عليها ان هذا البس عاجبني وعاجب زوجي وشوي الا وخوا ت زوجي يوقفون معها ويحتدالجدال وشوي وتوقف معها مرة الخو الكبير وبنتها وتخيلو القهر ان الكل قام معها ولا وحده قالت كلمة حق واكتشفت من النقاش الي صار انهم متكلمين عني اليوم الي قبله بعد ما طلعت من عندهم يعني حاشين فيني والي صار تفريغ للشحن الي صار اليوم الي قبله
ادري طولت عليكم لكن والله من القهر الي فيني يعني تخيلوا العيد خلص وانا مانسيت الي صار
قولوا لي بس ويش اسوي معهم علشان اكسبهم