ايش رأيكم ...فين الحيااااااء؟؟؟

السلام عليكم ورحمة الله وبركاته

حبيت بس أتناقش معاكم في شيء صادفته كم مرة وبصراحة حز الموضوع في نفسي ..ماأدري ..بس ماأقول فين الحياااااء؟؟؟

الموضوع صادفته كم مرة في المستشفى ...أروح العيادة وألاقي رجل مع زوجته وطالبين دكتور....قامت الممرضة تقول الدكتورة الفلانية موجودة والفلانية كمان ...بس اتفاجأ من رد الحرمة : لا أبغى دكتور رجال !!!:(
وزوجها ساكت ...المهم رحت أنا ورجعت اتصادفت مع نفس الحرمة في غرفة السونار, واللي صدمني لبسها الغير المحتشم وبتكلم الممرضة وتقول :الدكتور كشف علي من تحت وقال لي ........
لهذه الدرجة عادي الكشف على الدكاترة الرجال ؟؟ طيب فين زوجها وغيرته ؟؟ عادي الرجال يكشف على عرضه وهو يتفرج:09:

الموقف الثاني برضوه بنفس المشفى لمن اتنومت كل شوي يدخلوا الحالات اللي تجي بنفس الغرفة اللي أنا فيها ...وشوي جات حرمة وطلبوا يكشفوا عليها مارضيت ..وقالت : أبغى دكتور رجال !!
طبعا نادوا الدكتور وكشف عليها من تحت ومن فوق :09: عااادي !!

طبعا المستشفى تتوفر فيه طبيبات ثقة وممتازات , بس ليش بعض الأخوات تطلب مايكشف عليها إلا رجال ؟؟؟
مو هو رجل عنده غرائز وطبائع بني البشر ولا شايفينه البعض ملك مايغلط وله الحق يكشف على عورات المسلمات بدون اعتراض أو غيرة من المحارم؟؟

سؤال يدور في بالي ليش البعض يطلب الطبيب الرجل مع إنه البديل من النساء موجود ؟؟وعاااادي لمن يكشف عليها ؟؟مافي حياااااااء :angry2::angry2::angry2: