sasa.26 @sasa26
عضوة جديدة
ايش رايكم بموقفي
مساء / صباح الخير
على احلى منتدى واروع عضوات
انا بطرح لكم موقفي مع ام زوجي واتمنى تقولون لي تصرفي معها صح ولا لا
الزبده
كنت مسويه عمليه قيصريه وطبعا اول يوم يادوب اصحى ساعه وانام من تأثير التخدير وتعب العمليه
المهم كانت معي اختي الكبيره وماتعرف تقرأ اتصلت ام زوجي وانا طبعا تعبااانه ماقدر اتكلم اختي ماتعرف
تقرأ وماعرفت من المتصل المهم ماردت ...
ولما صحيت شفت الرقم طلع رقم ام زوجي
انا كنت تعبانه ماقدر اتكلم وقلت اكيد بترجع تتصل بكره.....
وربي كنت تعبانه حتى ابوي اتصل ماقدر ارد .
جلست بالمستشفى ثلاث ايام وباليوم الرابع اتصلت ام محمد اللي هي ضرة ام زوجي
ورديت عليها كنت كويسه
وهي طيبه وحبوبه وعلى نياتها راحت قالت لام زوجي انها كلمتني واني بخير وعافيه
طبعا طلعت من المستشفى ورحت البيت وزوجي راح لامه وهي بقريه ماهي بنفس البلد
ولما وصل هناك اتصل في وقال لي كلمتي امي ؟ قلت لا ليش ؟
قال ( انتي عارفه العجايز كيف تفكيرهن وانتي كيف تردي على ام محمد وماتردين على امي )
انا هنا انصدمت قلت معقوله تفكر اني مابغيت ارد عليهاا
المهم وقتها كان جوالي مفصول بس يستقبل
وانا على طول اخذ جوال اختي واتصل في ام زوجي
وسلمت عليها وقالت انا خلاص ما راح اتصل عليك ابد انتي ماتردين على الجوال مررررره
قلت وربي كنت تعبانه وترى ماقصدي شي انتي زي امي
المهم قفلت وانا حاسه انها ماقتنعت
وتوقعت انها بتجي تزورني ولا جت قلت يمكن ماعندها احد يجيبها
انتظرتها تتصل ولا اتصلت قلت ماهي مشكله
المهم خلصت الاربعين وطلعت مع زوجي للديره وجبت لها هديه
وكانت بنتها والده وجبت لها هديها هي ومولودها
ولا كن شي صار
حبيت اخذ رايكم بتصرفي معها
وربي انا احترمها واراعيها عشان زوجي والا هي الله يهديها مادري ليش ماني عاجبتها
مع اني ماتدخل بشي اجيهم ضيفه واروح خفيفه
ادري طولتها بس حبيت اسولف وافضفض لكم
اتمنى اشوف ردوركم
14
1K
يلزم عليك تسجيل الدخول أولًا لكتابة تعليق.
عصير التوت والعنب
•
ماشاالله عليك انتى ما قصرتى كلمتيها ورحتى وسلمتى عليها وشرحتى لها موقفك بس اهى يمكن تحسست شوى عشان ما رديتى عليها فتره وتعدى ان شاء الله
الله يوفقك والله ان عقلك كبيييييير
وقلبك اكبر
ونعم التصرف اختي
هم كذا العجايز يزعلون بسرعه
بس عادي اعتبريها زي امك
تحياتي يا كبييييييييييييييييييييييييره
وقلبك اكبر
ونعم التصرف اختي
هم كذا العجايز يزعلون بسرعه
بس عادي اعتبريها زي امك
تحياتي يا كبييييييييييييييييييييييييره
الصفحة الأخيرة