ايش نسوى هجوم داخل بيتنا !!!

السلام عليكم
كل عام وانتم بخير يارب
مشكلتي احسها فضيحه :44:وما نعرف ايش الحل
احنا عايشين بمدينة وعندنا اخ متزوج وعايش بمدينة ثانية ويجينا كل خميس وجمعه وزوجته تجى وتنخمد تنام بس تقوم نحطلها الاكل تاكل ويرمولنا الصحون بالمطبخ حتى في رمضان ينامون الى المغرب ويصحون يلاقون الفطور جاهز وياكلون والصحون يرمونها لنا :angry: كل هذا ومتحملين لهم ثلاث سنوات على هذا الحال احنا ما عندنا شغاله بس ممشينها ونقول بكره يتغير الحال بكره يتعدل مافي فايده الى هنا ومافي مشكله
المشكله صارت دحين قبل شهر سافرنا خارج المملكة نتمشى وهو بحكم دوامه ما يقدر يروح وما يحب يروح يعنى ما يحب يصرف فلوس وبكيفه محد جبره يوم جينا لقيناه فضى غرفة من غرف بيتنا ((كانوا ينامون فيها قبل ويوم يروحون هى مجلسنا )) المكتبه شالها وتكسرت ورماها لنا في المخزن والفرشه والمساند والتكايات رماها في الدرج وحط مفتاح للغرفة وقفلها يوم قلناله ليش قال خلاص هذى غرفتى نقله هذا بيتنا يقول لا غرفتى وبجيب سرير ودولاب وتلفزيون وهو ما يجى الا خميس وجمعه بس وباقى الايام بعيد عننا تخيلوا تهاوشت معاه انا قالى انسوا امرها من جد بنفجر من القهر امى هاوشته قالتله خلاص غرفتك بس لا جيت رايح ما تقفلها تخيلوا طنشها وسافر وقفل الغرفه محنا عارفين ايش نتصرف يعنى مقفوله عالفاضي ومافي سبب اصلا عشان يقفلها ولو بيته نقول معليش تخيلوا احيانا نطلبه مفتاح بيته نروح نتمشى ما يعطينا ولا عليه ايش نسوى نكسر المفتاح ولا نتحمل مع انى ما ظنيت اقدر خلاص طفح الكيل :(
عطونى راى سديد والله كلنا محتارين الوالد متوفي وامى مره على نياتها وما تبغ مشاكل خاصة رمضان بس هو اللى بدا بالمشكله من جد خايفه لو سافرنا مره ثانيه نجى نلقاه مغير مفتاح البيت وعفشنا برى :( الله يجزاكم خير راى سديد .