بأسشارككم تجربتي شجعوني وانصحوني

السلام عليكم ورحمة الله وبركاته
انا متابعة لدا القسم بإهتمام واستفدت كتير ولله الحمد. قبل فترة كتبت موضوع اني ابى تشجيع عشان اعمل رجيم وشجعتوني وماقصرتو

لكني قعدت فترة بدون رجيم لانه مافي ارادة

اعرفكم على نفسي طولي 157 ووزني قبل الرجيم 68 ودا بعد ولادتي ببنتي الله يحفظها. دهوني وسمنتي كلها في منطقة الورك عريضة وعندي مؤخرة ودايما اظهر ممتلئة رغم انه وزني ماكان زايد كتير. قبل الحمل كان وزني 56 وكنت اعتبر لاسمينة ولانحيفة ولكن عقدتي هي منطقة الورك والحمدلله على كل حال.

بدايتي كانت في اني لغيت العشاء وللاسف لم انزل ولا ربع كيلو لاني كنت افطر واتغدى عادي فلغيت الفطور وصرت اكل وجبة وحدة باليوم وهي الغداء واكل حتى الشبع وصراحة كنت مرة اتعب والحمدلله اتحرك الميزان وصار وزني تقريبا 62.5 في خلال شهرين لاني عانيت من ثبات الوزن بسبب الحرمان الشديد الحمدلله المهم انحف


وبعدها مليت بشدة من الثبات فقلت اغير الرجيم وعملت رجيم الين الناشف المذكور في منتديات كثيرة والان انا في الاسبوع الرابع ووزني حاليا 60.3 انا اعرف انه نزول جدا بطئ ومليت بشدة وصحتي تعبت وكل شي فيا يقول خلاص بس انا ابى اوصل ل 56 عالاقل حتى زوجي طفش مني وقالي مافي رجيم حتى لونحفتي برضو حتكوني عريضة من تحت هو كلامو صح بس عالاقل اكون نحيفة مو دبة وعريضة

افكر ادخل نادي بس سباحة واكل عادي بس اخفف بس ما احس بينفعني خصوصا لانه نزولي بطئ ووزني قريب من المثالي

اتمنى تفيدوني بنصايحكم لاني تعبت من ثبات وزني معد راضي ينزل مرة متحطمة عملت يوم مفتوح وبرضو ماصار شي ايش اعمل وكيف انزل الكيلوات الباقية الله يخليكم ليا يارب