باركوووووووووووولى 0000حنين المصرى

حبايب قلبى الاخوات الغاليات العسليات
وحشتونى جدا انا طبعا مش باكتب من فترة بس زى مانا عودتكم انى مابكتبش غير عن يقين وتجربة
والنهاردة انا العنوان اقصد بيه شئ تانى غير الوصفات والتجارب المعملية بتاعتنا
بس ماتقلقوش برضو انا جايبالكم اليوم وصفة تحفة وضامناها لانى جربتها فيا
فعلا
بس قبل ماقولها
اقولكم ليه تباركولى
لانى لبست الاسدال وتركت البنطلون والبلوزات القصيرة
ياللا باركولى وادعولى ربنا يثبتنى
بالنسبة بقى للوصفة
شوفو
انا وانتم بنعانى من السواد طبعا
فانا
جربت بقالى فترة يمكن داخلة على الشهرين
وبصراحة
جاب معايا نتيجة
وفتحت المنطقة اياها 40 %
ماتحبطوش بالنسبة لينا كوس قوى
وكل شئ محتاج الصبر
شوفوا انا عملت خلطة سحرية من زيت الزيتون وزيت جنين القمح وكنت عاملة فى اول شهر معاهم زيت اللوز لكن لما سمعت انه بيكتر الشعر وقفت المنتج وبدات اخليه زيتون وجنين قمح بس
بس
الطريقة هى الى فيها شئ من الاختلاف
وده سر الصنعة
ومحتاجين معانا كمان خل التفاح
ياللا
شوفوا ابدئوا بعد فترة البيريود
تنظفوا المنطقة
باى غسول مطهر
لمدة 3 ايام متواصلة
بس انا كنت باستعمل مرهم بيتادين المطهر 3 ليال وراى بعض
مواظبة فيها مع خل التفاح
بعد هذه المده
ليلا كل يوم
ضعى الخليط المكون من زيت الزيتون وزيت جنين القمح
وادهنى بيه المنطقة جيدا واتركيه حتى الصباح
ولو كنتى متجوزة خاليها وجوزك مش موجود
بس خالى بالك
البسى على قد ماتقدرى شورتات قطن
وماتلبسيش بانيت
غير مثلا فى فترة البريود علشان المسائل
ودايما جففى المنطقة وماتسيبهاش مبلولة
المفاجاة بقى
ان الخلطة دى فتحت ونعمت وكمان قللت الشعر
طبعا ببطء السلحفاة علشان تبقوا عارفين
بس مضمون وامن وكل شئ محتاج صبر
واى سؤال انا فى الخدمة
ياللا بقى دعواتكم وتهانيكم لانى فرحانة قوى
اول يوم البس فيه الاسدال واروح بيه العمل بتاعى
وربنا يتقبله منى ويقوينى عليه
اختكم الفرحانة
حنين:)