صباح الخير ياحلوات
وش اخباركم ان شالله كل شي تمام
بقولكم مشكلتي وان شالله تقدرون تساعدوني فيها ..
انخطبت من فترة قريبة وكل شي صار بسرعه وتحدد وقت الخطبه وماحبينا نطول فيه لانه ماراح يصير فيه أحد غير أهله واهلي وبس يعني حفله صغيرة بالبيت
<< طيب وهم وش يبون بهالمقدمات :09:
طيب طيب نجي للمفيد واللي هن ثلاث مشكلات :(
انا بالقصيم ومالقيت أحد يصلح لي مكياج غير وحده اسمها ريما اكيد البنات يعرفونها
قالت اصلحك بألف << عسى ماشر
والمشكلة ماتجي للبيت الا لعروس أو وبملكة
وصراحة كثير الف وهو مافي أحد ياليت لو بنات بريدة يدلوني على وحده شاطرة وسعرها رخيص لأني تعبت أدور ماحصلت ضروووووري ابيها
والمشكلة الثانيه شعري بعد ماابي اسوي تسريحه وشي مررة كبير ابي شي بسيط من دون ماارفع شعري
قولولي وش أسوي فيه والله محتاره مافي ببالي شي
واعرفهم التحف اللي عندنا لو اقولها شي ناعم واسكت حاست أم الدنيا ولعبت فيني :09:
والمشكلة الثالثة وأدري طولتها
برجليني في عندي بهاق أكيد مر عليكم اللي هو التغير بلون الجلد على ابيض هو موب كثير بس ودي بحل اني ماخليه يبين وصعبه البس جزمه
لاتفكرون اني أحاول أخبي او اغش الرجال يدري ويدري أني قاعده اعالجه الحين بس ودي هذاك اليوم اصير واثقة بنفسي أكثر ومايعكر علي هالشي
وش اسوي له وش تقترحون علي يحل هالمشكلة تعرفون شي ممكن يسوي له تغطية ومايصير مررة ملفت
أدري اني طولتها قوووة بس الله يخليكم ردوا علي وفرجوا كربتي الله يفرج عنكم كل هم
بانتظاركم :(
يلزم عليك تسجيل الدخول أولًا لكتابة تعليق.
وردة العمر
دوري
الميرا
مشكوورات يالغاليات
وينكم يابنات يعني مافي احد يساعدني لو بشي بسيط :(
دوري
الميرا
مشكوورات يالغاليات
وينكم يابنات يعني مافي احد يساعدني لو بشي بسيط :(
شوف انا اقدر افيدك بشئ بسيط .. روحي للمشغل البارونه فيه وحده روعه في المكياج والتسريحات .. واذا دخلتي عليهم لا تعلمينهم .. مكياج خطوبه او عروس علشان مايدبلون السعر وهو نفس الشغل ماراح يخترعون لك اختراع
شعرك اذا انت قاصه كوكتيل او مدرج لففيه على فوق وخليه مفكوك احسن وانعم وخاصه ان الرجال يحبون الشعر الناعم المنسدل وحطي اي اكسسوار ناعم او ورد
معليش معلوماتي محدوده بس ماحبيت اطلع ولا اكتب لك شئ
شعرك اذا انت قاصه كوكتيل او مدرج لففيه على فوق وخليه مفكوك احسن وانعم وخاصه ان الرجال يحبون الشعر الناعم المنسدل وحطي اي اكسسوار ناعم او ورد
معليش معلوماتي محدوده بس ماحبيت اطلع ولا اكتب لك شئ
الصفحة الأخيرة
مبرررررروووك ..:26: :26:
ودي أفيدك بس مأعرف ...
ــــــــــــــــــــــــــــــــــــــــــــــــــــــــــــــــــــــــــــــــــــــــ