بالتفصيل هذا اللي صار ابي التصرف الصحيح

طيب انتي ايش قلتي لهم؟؟ شو كان ردك؟؟
انا لو مكانك كنت قلتلهم هالكﻻم روحو قولوه ﻻخوكم دام انا غريبة بينكم ليش معورين راسي واطلع و اخليهم.

ﻻزم تعرفي انه قوتك من ربك و نفسك خليكي عارفة قيمة حالك و ﻻ تعطيهم فرصة يتدخلو فحياتك ليش انتي بزر عندهم؟


انا لو مكانك ما اهتم لكﻻمهم و ﻻ اعيره اهتمام انتي سوي اللي تشوفيه صح بس أوصيكي اذا قالك زوجك ﻻ تقولي فﻻ تقولي خلي لسانك جوا حلقك ﻻ تخلي أحد يمسك عليكي زله
و سلفتك انتبهي منها لتكون تنقل حكي

اولا لازم تحفظين اي شي يقولك عليه زوجك ولا تعلمين احد يااختي زوجك وثق فيك لا تضيعين هالثقه
اما باقي الموضوع قولي لهم كلمو اخوكم لا يجيب ملابسه لكم ويجيبها لك عشان يعرفون انو غصب عنك هالوضع ولاانت مب راضيه اساسا كلموه كانا بها ماكلموه مالك شغل شي بين الاخوان زي ماقالو

- موضوع سلفك معاهم حق ليه تتكلمين ؟ اولا زوجك محذرك , ثانيا ما يخصك فعلا مو شي خاص فيك عشان تقررين اذا تقولينه او لا , اصحاب الشأن ومنهم زوجك قال لا يطلع ! يالله وش نفعك فيه فتح لسانك لها هذي هي قالت فلانه علمتني وفتنت بينكم وجت الطقه فوق راسك وصرتي عند زوجك واهله ما ينحط في فمك فوله
وفي المستقبل يمكن تشوفين منهم مواقف انهم مخبين عليك واولهم زوجك لانه فقد الثقه انك كتوم
يعني كلامك ضرك ما نفعك


سالفة زوجك البنات فهموك وش اللي مضايقهم وفعلا تصرف اخوهم ماله داعي ليه ياخذ معاه ملابس وسخه وقت السفر عادة الشنط يكون اللي فيها نظيف كله ثم عاد مع الاستخدام ينغسل
وللاسف اذا الزوج صار كذا طبعه اول متهمة الزوجة فالافضل تكونين دائما على استعداد وتخلين كل اللي بين يديه نظيف عشان ما يفشلك
وفهيمهم انك تطلبين ملابسه تغسلينها وهو يرفض
لكن ايضا لا يطلع من بيتك ومعه هدمه وسخه انتبهي الناس ما ترحم اول صفه تكون عليك انها مهمله زوجها ولا تغسل ملابسه وياسرعها واذا بغى في المستقبل بيستغلها اكيد

اي كلام بينك وبين زوجك لايطلع لاحد مهما كان ،، وانتبهي من السلفات ،، لاتنقلين كلام لاحد،،
وخليك واثقه في نفسك وكلامك ولايهزك كلام احد ،، القوه من نفسك انتي ،، مالها دخل اخت ولا ام ،، حكمي تصرفاتك وعقلك ،، واذا ع الملابس قولي هذا شي لزوجي وش دخلني اانا ،، يعني انتي مالك اي دخل براحته دامه راضي بهالشي اخواته يغسلون له ،، قولي ارجعو كلمو اخوكم انا مالي دخل فيه

بالنسبه للملابس خليهم يغسلوها دامه يتركك ببيت اهلك مالك شغل فيه اهله يسوو له كل سي مو هو يبي يجلس عندهم انا كنت مثلك ولا أفكر اصلا اقوله جيبها اغسلها هذا لو مستأجر لك شقه أوكي
خواته مراهقات ماعليك منهم وخوذي درس اي شي يخصهم لا تتكلمي فيه عند زوجك بعدا عن المشاكل