السلااااااام عليكم
كيفكم يااا احلى كروشات الحمدلله ولدت لي اسبوعين الحين
وجبت --يزن-- عسى الله يهديه و يجعله من الصالحين
انا يا بنات ولدت قبل موعدي باسبوعين
كنت نايمه و صحيت على المغصه صباح الاربعا
قمت تبخرت بقشر البصل قلت يمكن يزيد المغص و اولد قبل رمضان :)
اللي حصل انو صار فيا شي غريب بعد البخور
صار يطلع مني هوا من قدام و رطوبه تندمت اني تبخرت
بعد كم ساعه صار الالم يروح و يجي لكن كان محتمل على الساعه ١ الظهر
قلت يابنت روحي اكشفي يمكن مفتوح الرحم ٠٠بيني وبينكم قلت يمكن بعد الكشف تنفك المويه-- كالعاده
لكن بعدما كشفت قالت لي الرحم مفتوح بس ١ سم
روحي امشي و ارجعي بعد ٤ ساعات :09: قلت هين علي يرجع
واروح عند امي تغديت و بعدها جات مرت اخوي وسوينا القهوه نسيت الولاده خخخخ؛
ودريت مرة اخوي بقصتي و تقوم تغلي بقدونس مثل الشاي
سوت لي كوب وشربته و بعد نص ساعه زاااااد المغص و صرت امشي في البيت
و استغفر و ادعي يمكن ساعتين مشيت من غير ما احس بالوقت
بعدين خلااااص استويت شافتني مرت اخوي صارت تبكي على بكاي تقول الحقو ودوها
لا تولد علينا كان تاخذني امي على المستشفى و اتصلت على زوجي يلحقنا
وهناك كشفت على الدكتوره و قالت و لاااااده الرحم فاتح ٥ الى ٦ سم
كان انط من على السرير و اقلها ابي ابرة الظهر وهي تقول ما يحتاج قررررربت
وعينكم ما تشوف الا النور قمت تهاوشت معاها وناديت على الممرضه
وكانت افريقيه و طلبت منها تتصل على طبيب التخدير وكنت اتكلم معاها انجليزي من
غير ما احس -- تقول امي صرتي تهاوشينهم بالانجليزي خخخخخخخ:42:
وجا الدكتور و اعطاني الابره و الحمدلله ارتحت
بعدها بنص ساعه جاتني الحشره اترا البيبي بينزل
والحمدلله جبت يزن الساعه ٢ بالليل:icon28:
انا يابنات هذي ولادتي الثالثه بس مختلفه لان ما عمري جاني طلق طبيعي
ودايم تنزل على موية الجنين بس هذي المره مانزلت
الحمدلله كما ينبغي لجلال وجهه و عظيم سلطانه
سمهورة @smhor
محررة ماسية
يلزم عليك تسجيل الدخول أولًا لكتابة تعليق.
ما شاء الله تبارك الله الف الف مبروك والحمدالله على سلامتك والله يحفظه ويخليه لكم ياربما شاء الله تبارك الله الف الف مبروك والحمدالله على سلامتك والله يحفظه ويخليه لكم يارب
ماشاء الله..الف مبروك عليكم يزن..ودعواتك لي بالولاده السهله الميسره قريباااا..ياااارب..
الصفحة الأخيرة
الف الف مبروك والحمدالله على سلامتك
والله يحفظه ويخليه لكم يارب