بالله حل تكفون

في الواقع انا اكتب من اجل ان اجد حلاً او نصيحة تغير من حياتي ..
او ابحث عن شخص قد مر بنفس تجربتي ...
انا في الواقع تزوجت شخص بعد طلاقي الاول.. مطلق ولديه بنتين (٧سنوات_١١سنة) مدة زواجي به سنتين
انا موظفة في احدى الشركات الخاصة ولدي راتب جيد استطعت من خلاله ان اشتري لي ارض في مكان جيد ..
شعرت من كلام زوجي انه يتضايق لظنه انني افضل منه ..لان راتبي جيد ووظيفتي جيدة ولانني استطعت ان اشتري ارض ..اما هو فراتبه جيد ولكن رغم ٢٠ سنة من الوظيفة الا انه لم يسطتع ان يكون نفسه بسبب حبه لتجوال والسفر ..
وبعد كل مشكله وان كانت تافهه يقول لي (انتي تحسين نفسك افضل مني وشايفه نفسك اعلى مني ) رغم اني لم اقول شيء او اظهر اي شي.. حتى في الامور التافهه (حظك عندك ملابس وانا ملابسي قديمة - حظك انك شريتي جوال جديد وانا جوالي متكسر) .
يقولها باسلوب غير مباشر لكن واضحه ..
المهم بدأ الان يفتح معي موضوع ..يقول يبغى يبني بيت ع ارضي ..
قلت له الاراضي واجد قال ارضك مكانها كويس ..قلت لا ..قال انا بشتريها ..قلت تمام بس تدفع قيمتها كاش (لاني عارفة انه ما بيعطيني قيمتها الا كذا )
قال انتي تعرفين البير وغطاه وان ما معي شيء..قلت اجل لا تفكر تبني ..قال ابغى اامن لكم عيشتكم اذا مت ..قلت اشتري قرض عقاري .قال قوائدة كثيرة
المهم كل ما جيته يمين جاني يسار ..
وانا بصراحه ما اضمنه جربته اكثر من موقف ما وثقت فيه ..وفوق كذا في نهاية كل مشكله يهدد بطلاق واذا هدا قال ما قصدت ..وللامانه ممكن يتزوج علي ...
فرضيات كثيرة فكرت فيها ...وع اخر مشكله قالي بالحرف (علي الطلاق ان الارض لا تنباع الا لي لو اجلس ١٠ سنوات )
قمت زعلت وعصبت ..ولمن شافني عصبت قال يابنت الحلال استخيري منتي خسرانه
وبعد يومين سالني استخرتي ..قلت ايوة ..وردي زي ما هوه قال تمام واليوم رجع يفول استخيري ..
يا ناس كيف اوقفه عند حده ..وكيف ما اخليه عاد يتدخل في فلوسي ...لانه رجع يقول والله لا اشوف احد من اخوانك يشتري لك شيء ...وانا والله ما اثق فيه ..خاصه انه يقول لي ما بينا فواتير وما راح اعطيك فاتورة ..