بالله عليكم هل هذا السبب مدعاة للهجر ؟

بالله كيف أقنعه ان دفء حضني افضل مليون مرة من برودة تكييف المجلس

ما يتنازل ابدا و يقول ما يجيه نوم في البرودة المتوسطة لدرجة مرة حب يجاملني راح لدوامه مواصل و قعد يأنبني

ردوا تكفون

الله يجزاك خير اختي موج

ياليت أقدر أقدر أخفيها أصلا تلقينه نفسيا قبل يقعد في أي مكان يشيك على البرودة حتى لو بالسيارة

عنده استشعار قوي بدرجة البرودة حتى لو حبيت أخدعه و أقللها بمجرد نومه

تلقينه يصحى فجأة بعد تخفيضها بنصف ساعة و يروح مجلسه و هو يتحلطم أظنه يتحيسب علي : )

أعوذ بالله تقولين مولود في الإسكيمو مثلا

مع ان الجو متحسن عن اول اصلا و صار يميل للبرودة

يا اختي اعذريه في ناس كذا اجسامهم حاره وما يحسوا بالبروده الخفيفه وزوجي كذا بس خلاص تعودت وحتى طفلي صغير عمره شهور طلع زيه يعني اذا شغلنا المكيف على بروده متوسكه اشيله القاه معرق بقوه ويجلس يبكي اذا الجو حار وما ينام

بالله مين صادفت نفس مشكلتي و كيف قدرت تتغلب عليها

لاني قادرة اتحمل هذا الصقيع و لا هو قادر يتنازل عن جزء ضئييل من البرودة



على الأقل المضرة متقدمة على المنفعة على رأي الفقهاء

البرودة سببت لي انواع الالام العظمية و المفصلية و التنفسية و النفسية لكنه مو مستوعب

ما يدري ان طول عمري و انا ببيت اهلي ما انام و التكييف شغال على راسي لأن بمجرد تبرد الغرفة قبل النوم أطفيه

و الحين رضخت لتشغيله مع البرودة المتوسطة و رافض

الله يجزاكم خير خواتي و لا ترون مكروه

اختي موج ما يرتاح الا يفره للأخير لين يسمع الزر يطق

بعدين حتى لو أبخفضه درجة او درجتين هي نفسها ما اقدر اتحمل البرودة

و الله تعبت و الفجوة زادت

لي تقريبا اكثر من شهر متواصل و هو بعيد عني بسبب أزمة التكييف

اوقات اقول أحسن صحتي أولى

بس الصقيع العاطفي مؤلم