بالمختصر المفيد رجلي ينقد علي

شوفي حبيبتي انتي الغلطانه اول شي ليه تحملين هذا ورا هذا خايفه يخلصون البزران ؟؟

المفروض تخلين كم سنه بين اطفالك وتراعين وضعك وان ماعندك شغاله وبعدين وش يبي الله يهديه يتشره وهو شايف البيت مااشاء الله مليان بزران وحامل بعد ماشاء الله لاقوة الا بالله المفروض يساعدك ينظف البيت يكنس على الاقل يغسل ملابسه يرتب شي

بصراحه لو انا منك اهتم بعيالي واكلهم وبس وهو الله لايهينه يجيب شغاله تنظف البيت وتساعدك ترا ابد مو اجب عليك كل هاللي تسوينه

الله يعينك

مااقدر اقول الا دعوه لك بظهر الغيب ان ربي يفرج همك ويقومك بالسلامه

ياعمري والله رحمتك بس ابي انصحك نصيحه انت تحملين ورا بعض وبعد هذا كله يطلب بيت نظيف وكل شي تمام
وانتي اخر شي يفكر فيه ليه حبيبتي اذا تعبتي راح ياخذ غير ك اهم شي راحتك وانتبهي لنفسك ولاتعبين نفسك علشان يرضى سوي اللي تقدرين عليه واللي ماتقدرين خليه لليوم الثاني الدنيا مايب طايره ولايقارنك بفلان وفلان لانه كل واحد على حسب ظروفه
والله يتمم لك حملك على خير

مشكورين على الردود
بس من ناحيه الحمل انا منظمه حملي
في عيالي الي قبل بس هذا ولله الحمد ع كل حال
صار بالغلط مع اني استخدم مانع
اما نه يكنس ويغسل ياخويتي مشكله
مايشيل ولده اقسم بالله لو اعطيه اياه 5دقايفق
بس يسوي سالفه
وانا اصلي يمسكه بطقاق ولا يخليه في الارض
ويطلع والصغير يحبي وتعالي شوفي احيان القاه اكرمكم
الله في الحمام ولا مع اخوانه الصغار
وجزاكم الله الف خير ع النصايح مهره الخيال وريماس وع الدعوه الحلوه من الاخت قلبي اسيرك

انا راي انه متضايق منشيء ثاني وقاعد يتحجج بنظافة البيت عموما رتب البيت جزء جزء مثلا قومي من النوم قبل عياللك نظفي الحمامات بالأول بعدين نظفي قسم الرجال وقفليه لاتفتحيينه الاوقت زياة الرجال عندكم ونفس الطريقة لقسم الحريم وسكرية ثم نظفي غرفة نومك وسكري بابها لاتخلين عيالك يدخلونه ابدا الامعاك اكثر شيء يخلي الرجال يعصب انه يدخل غرفة النوم ويلقاها مونظيفة وبعدين نظفي صالة جلوسكم وبخري البيت بعدين نظفي المطبخ وغسلي المواعين اوا باول اما غسيل الملابس يوم للغسيل ويوم للكوي وعلمي عيالك انهم يهتموا بانفسهم وبولدك الصغير واكثري من ذكر الله والصلاة بوقتها والله يتمم لك على خير