بتسوين زواج كبير لك او لأحد يهمك ... طيب ولا يهمك ..تعااااااااااااااااالي نتفاهم

هاااااااااااااااااااااي بناااااااااااااااااات
كيييييييييييييفكم .. انا توني مسجله بصراحه من زمان وانا اقرا في عالم حوا بس حبيت اسجل لما حسيت ان عندي شي اضيفه ..
المهم انا من الناس اللي ما يحبون المقدمه الطويله << مين سألك وش تحبين طال عمرك ! المهم اقولكم الحين الزواجات صارت بالعربي هممممممممممممم وحيررررررررررررررره ما تدرين وش تسوين تبغين كل شي احلا شي .. و بعض المرات ما يصير عندك خبره .. ولا تخافين تسوين شي يصير قديم والناس مالين منه وانتي بزعمك انك مسويه اجد شي .. سوووو بنات خلونا هنا نشوووف اجددددددددد شي في تجهيز الزواجات .. مو تجهيز المهر لااااااااا الزواجات وخاصه لما يكون كبير .. عشان بإذن الله يكون زواجك زي ما تتمنين وكل الناس يحكون فيه ...
نبدا اول شي في البطااااااااااااقاااااااااات ..
عاده تكون نفس فكره الكوشه وبعض الناس يحبون يعملون الكوشه سبرايز يعني تصير البطاقات ما تعكس الكوشه .. انا بالنسبه لي احب البطاقات الفخمه اللي عليها عبارات مبتكره ..واحب الالوان التقليديه يعني بيج سكري اوف وايت .. والحين طايحين بالشرايط مره يصير شكلهم ناعم في البطاقات .. بس صراحه مااعرف ايش المحلات اللي تسوي هالبطاقات .. فيه كم محل في لبنان حلوين صراحه ومميزين .. اذا شفت تشجيع ذكرت لكم ..
القااااااااااااااااعه ..
انا اتكلم عن الرياض احلى قاعه نياره بس يبغى لها عدد كبيرررر .. و الفورسيزنز حلوه بس كنها شوي كئيبه .. والفيصليه برضو تضيق الصدر .. والمقصوره حلوه بس لازم تخلين ديكورك يا عنابي ولا ليموني لان القاعه تفرض هالشي وحلوه لاحتفالات صغيره وملمومه..
الطاااااااااولاااااات...
الحين اي زواج حلو لازم مفارش حلوه .. صراحه ما عندي خبره بالمفارش كثير بس اتمنى ااحد يفيدنا بهالموضوع .. وبالنسبه للورد الحين الدارج اللافندر ..
التقدددددددددييييييييييييييييييم ..
طبعا التقديم اصعب شي فيه كم محل مميزين بس ودي اشوف انتم وش رايكم اول بعدين اقولكم.. بس الحين اغلب صواني التقديم فيها ورد وحركات .. ياليت برضو احد يفيدنا اذا تعرف احد يضبطهم ...
الطقاااااااااااقه..
صراحه فيه اسماء كثيره عندنا بالرياض بس احسهم يستغلوننا يعني اذا تبغين احد عليه الكلام يجونك بحوالي ستين الف يعني احسهم تومتش بس لين الحين مااعرف احد كويس وسعره رخيص ..
الكشاااااااااف ...
مره مهم وغالبا البنات ينسووونه في الزواجات ومهم تعرفين ايش لونه ابيض ولا اصفر عشان الميك اب ...
الميك اب..
كل وحده تقول لنا مين احلى وحده سوت لها ميك اب في زواجها ..او شافتها في زواج احد .. لان الميك اب يحلي العروسه النص ويخلي الصور تطلع حلوه ..
المصوووووووووووره ..
ليييييين الحين ما فيه احد بالرياض تصويرها مرررره حلوووو ..
اذا تعرفون احد بليز قولوا لنا ..
الززززززززززفه ..
فيه حركات جديده وزفات حلوه يحكون عنها البنات بس انا لسا ما شفت شي غريب ودي لو احد يقولنا..
الووووووووورد والكووشه ..
اهمممممممممم شيييييييييييي هم اللي يعطون جو للزواج ويغيرون القاعه فيه زهره الربيه يسوون كويس بس اسعارهم ناار بس الغالي سعره فيه وفيه مشكله بعد مكرر .. لو تعرفون شي مميز دلوونا ..
البشررررررررررره ..
لازم تسوين لك عناهيه بالبشره اقل شي شهر قبل زواجك .. التنعيم الكريستالي حلو بس مؤقت .. وحمامات مغربيه حلوه يسوونها لك باريس قاليري ..

الحين تعبت بس راااااااااااااااجعه لكم انا المشكله مااعرف احكي كذا بس لو احد سالني ما راح اقصر لاني عارفه احساس العرووووسه ...ولو طنت ناسيه شي ذكروووووووووني .. صدقوني بنات فيه اشياء حلوه بس ابغى احد يشاركني ..