سوسي سارة @sosy_sar

عضوة نشيطة

بحكيلكم قصتي وابغى دعوووووووووواتكم

مرحبا بناااااات كيفكم ان شاء طيبين

ياناس انا مره مقهوره ومرتفع ضغطي جد عندي بنت خال ناشبه بحلقي مدري وش تبغى فيني ولا بعد مو مصدقتني

بحكيلكم قصتي انا متزوجه من سنتين وحصلت فيني اشياء غريبه اولها الزواج لما حدد الزواج بالوقت والتاريخ نزلت علي الدوره بنفس تحديد الزواج بالتاريخ مثل 12 كل شهر تنزل يوم 12 بالم مو طبيعي لدرجه جلست اسبوع ماتحرك من التعب حتى اختي كانت تقرى علي تقول كانك والده دورتي مو وقتها وحتى بزواجي نزلت بنفس التحديد وجلست اسبوع ثم رحت مكه وتخيلو اتبرز على نفسي من غير ماحس وجلست اصيح مدري وش فيني بس انزل الحرم وادعي ربي تروح هالمشكله وللا سف استمرت لين رجعت ولا خبرت زوجي ومن رجعت وانا اغسل بغسول الزواج ثلاث ايام واختفى اختفى تماما الحمدلله بعدها طلع في جسمي حبووووووووب كثيره وصغيره ماغير احححك كاني جربانه وزوجي ماقرب لي ابد كل ماحاول مافي فايده والناس على بالها خلصت استمرت مشكلتي سنتين كامله والله محد يدري فيها مخبيه عشان زوجي
وكل مارحت مستشفى يقولون كلام وتكيس مبايض وسكر وانا متاكده مافيني شئ ولا استخدمت ولا علالالاج
بعد سنتين صرت اسمن يوم عن يوم يزيد وزني فجاه جاني كسل في الغده وعطووني حبوب اشربها مدى الحياه
كلمت صاحبتي وانا ابكي واحكي لها وش صار لي قالت انصحك تقري البقره لو مره وحده وفعلا قريت البقره ورحت لشيخ وقرى علي مره وحده ولما يقرى كنت ابكي بدون صوووووووت بس دموووع ولا شافني واطلع من عنده مابغى ارجع مابغى ارجعله مابيه اختنقت منه ويصير فيني اكتئاااب وانواع البلاوي رحت اخذت قسط هندي وابلعه على الريق واحط زيت مقري فيه يوميا على المنطقه

بعد مرور سنتين ونص من زواجي حملت وكنت طايره من الفرحه مره مستانسه وخلصت المشكله اللي لها سنتين من الزيت المقري فيه كنت ادهن فيه للمنطقه والحمدلله يارب على كل حال مع ان الناس ماخلتني بحالي
متى تحملين اقولهم اذا الله كتب بحمل واقولهم انا بفلها واستانس وبعدين رزقي بيجيني واذا الله كاتب لي حمل بحمل وكل ماروح واجي الناس تطالع فيني حملتي كشفتي حللتي يمكن من زوجك يمكن منك وانا اسمع واطنش وخواتي يقولون لاعاد تروحين وانا عنيده اطلع واروح لهم و لاعلي من احد ولا ابغى اقطع اقرب الناس واجفاهم لا كنت مطنشه ومهما قالو مايهمني
ودايم فلانه تزوجت بعدك وحملت وبنتها تمشي وانتي للحين كنت اقول الرزق على الله والله يخلي بنيتها يارب ولاابين شئ صح اني اذا رجعت ابكي وادعي ربي يرزقني بس ماحسستهم بشئ

اللحين عندي بنت خال ناشبه فيني وتخيلو كل ماشافتني وش قالو لك وش نوعه وانتي باي شهر ولا من الوقاحه مو مصدقه انو هذا شهري هي حملت قبلي بشهرين من شهر 12 وانا كانت دورتي بدايتها باخر واحد واخر يوم لها 7/1 جنننتني تقول بطنك كبيييييييييييره اكبر مني عاد والله بطنها اكبر مني والكل قالها بس مو مقتنعه اقولها انتي تولدي قبلي تقول لا بطنك اكبر من بطني تولدين قبلي ضحكككت وقلت مانتي مصدقتني براحتك شافتني مره ثانيه وثالثه ورابعه وخامسه تخيلو تحط عيونها على بطني وماتشيلها ابد وربي تقعد ربع ساعه سرحانه في كرشتي جابتلي الهم وتخيلو تقول مافيك زلال وبطنك كبيره والمصيبه ان عندها 3 عيال وعندها خير واحسها حاسدتني مو مصدقه موعد ولادتي جد اصبحت اكرهها من قلب نظراتها في بطني ماتفارقني لدرجه نفسي اذبحها حسبي الله ونعم الوكيل ولا تقولي وين تراجعين كل مره وتقول غريبه ماتعرفين نوع الجنين طيب ليش تسوي كذا والله ماكذبت عليها بكلمه وبعمري ماجرحتها اسالتني اكثر من 7 مرااات كل جمعه القاها مالها سالفه الا كرشتي وانا بعمري ماعلقت ولا دققت ولا سالت وش نوع جنينك ومتى بتولدي مالي بالناس
وكل ماشافوني كاشخه مرتاحه مرتاحه واذا ضحكت يحسبون كم مره اضحك
طيب وش اسوي اروح مالبس ولا اكشخ والله ياما ضاقت بي الدنيا وياما انهميت والبيوت اسرار بعمري ماحكيت واطلع يقولون المهمومه يوضح عليها وهي مرتاااحه وبس يسالون عن لبسي كل لبسه من وين وانا من النوع اللي اعيد لبسي يستغربون كيف جديد ولا فيه شئ
احبس نفسي بالبيت ولا اطلع ولا اقرف الناس مني البس ثوب عجوز وشال العجايز واقول انا مهمومه
الناس ماتسلمين منهم ضحكتي بكيتي انهميتي شكيتي لابد يحكون فيه
حسبي الله ونعم الوكيل

كيف اتعامل معها ابقى باسلوبي وطريقتي ولا اتكلم عليها

واماااااااااااانه دعووووووووووووووواتكم لي الله يثبت حملي يارب ويتمم لي بخير
ويكفيني شر هالناس اللي يبغون الواحد يصك على نفسه

يلزم عليك تسجيل الدخول أولًا لكتابة تعليق.

تسجيل دخول

ام لانااا • 13 سنة

الله يعينك عليها ويثبت حملك ياااااااااارب والزمي الآستغفار

irish girl • 13 سنة

حبيبتي الي مايستحي لاتستحين منه..
هذي وقحه وتسأل بقلة ذوق..<<عامليها بنفس الاسلوب اعطيها رد قوووووي يسكتها مدى الحياه..<<رفعت ضغطي
واهم شي اقري على نفسك وحصني نفسك..ولو قدرتي خذي فضلتها وتغسلي فيها...
والف مبروووووووك الحمل..
والله يثبت حملك..ويرزقك بالطفل البار الساليم المعافى...

ام الرخاء والشده • 13 سنة

حبيبتي اذا طلعتي اقري وردك واستودعي نفسك وزوجك وما حملتي في بطنك رب العالمين واحقريها الحقران يقطع المصران واطلعي ولا يهمك احد ليش تحبسين نفسك وتشلين همومك الواحد اذا طلع يغير جو وهو مهموم والهموم راكبه راسه ويبي ينساها يذكرونه ها الناس اللي ما تغفل عنك ابد بس اعيونهم مبققه لايهمك احد احفظ الله يحفظك

nooovh • 13 سنة

الله يف رج همك يارب والله يثبت حملك

أميرهـ بجمالي • 13 سنة

لو انا منك افشلها

واقول
ماتلاحظين ان ماعندك سالفه غير حملي وكرشتي !!

فشليها خل تحس بلقافتها