بداية جديدة

سلام عليكم ورحمة الله وبركاته
ما ادري ايش الي خاصلي هالايام سيرة الموت كثيرة تجي ببالي واني رح اموت قريب (بتقولون كلنا نفكر فيه لا انا ما يخطر ببالي كثير وربي ما ادري ليه 😥) 😥 بس الي ابغاه اني اموت وربي راضي عليا اموت وانا اقرا قران مو اسمع اغاني او لا قدر الله اني اشوف اشياء محرمة وربي يقبض روحي بعدها امس وانا ااصلي ما ادري كيف جلست بعد الصلاة ادعي ودعيت لامي واخواني انهم يبقون سوا وادا ربي كاتب ان يقبض روح احد فينا اكون انا حتى لا يتقرفو ويضلون اخواني حول امي ما ادري يمكن حرام بس لاني احبهم ولاني خايفة من الموت مرة ايه مرة خايفة
امس قررت ابدا بداية جديدة اني قدر ما اقدر ما افوت الصلاة واخشع قدر ما اقدر واني احفظ سورة اىبقرة ما ادري ليه هالسورة بالدات حابة اني احفظها وانا احس اني يوم بتتم حفطها ربي يقبض روحي وان شاء الله يكون راضي عني
ما عدت ابغى شي من الحياة لازواج ولا وظيفة ولا شي خلاص ابغى العبادة الي ترضي ربي بس
يمكن احساس اني بموت يخليني ما اضيع اي صلاة وما اعمل اي شيء خرام يمكن تتغير حياتي لما افضل متدكرة الموت وخايفة منه
بس الي بعمله اني اعيش حياتي بما يرضي ربي واكون قدام امي واخواني طبيعية ما احسسهم بالشي الي احس فيه ما ادري ليه دا الشعور محاصرني ومخوفني
سامحوني طولت كنت ابغى اتكلم مع احد ما اعرفه
بتقولون ايش تبغى ذي كانت من قبل تتكلم انها تبغى تتزوج وتتوظف وما تظلم زوجة اخوها ودحين تتكلم عن الموت ايه احس فيه شي غريب فيني وفضفضت لكم مو اكثر سامحوني على الاطالة 💕