بديت رجيم نيوترشن دايت اليوم لي ثاني يوم,,رايكم؟

مرحبا

بنات بديت رجيم في عياده تغذيه شووفوو الرجيم اللي تحب تبداااا فيه بس صعب بس لين الحين مستمره

1 اليوم الاول يعني
فطور\
جبنه قليلة الدسم 100غرام+شرائح خيار+شاي محلى بسكر ( الجبن حلوم او قريش او اي جبن قليل ادسم)

بين الفطور والغداء بوب كورن محضر بالمكيرويف و شاي
غداء\
صدر دجاج مشوي او مسلوق +صحن سلطه بدون زيت ولا ملح نص ليمونه
العشاء\
بيض مسلوق او مقلي بقليل من زيت الزيتون وصحن سلطه متوسط وشاي


2
فطور\ 3 شرائح مرتديلا او بيضه مسلوق او مقلي بزيت زيتون شووويه بس و 3 ملاعق لبنه قليلة الدسم وشاي
غداء\قطعة لحم مشويه او مسلوقه او تكه وصحن سلطة او تبوله بدون زيت او برغل وعلبة لبن اب
عشاء\علبة تونامحفوظه بالماء او 3 شرائح جبن مع سلطه( تونه تحمسينها مع شوي زيت زيتون وبصل ولومي يابس وفليفله شوي والي تحبين بس يكون خفيف)


3
فطور\بيض مقلي وتحطين قبل البيض شوي زيت زيتون وبصل وبعدين البيض وبقدونس واخر شي جبنه تاكلها مع شرائح خيار وطماط وشاي
غدا\سمكه مشويه او شيش طاووق مشوي وصحن سلطه ولبن اب
عشا\همبرجر قطعتين مشوي مع صحن سلطه او بداله كباب قطعتين


4
فطور\2ملعقه لبنه قليلة الدسم 2شريحة جبنه قليلة الدسم +خياره وشاي
غدا\روبيان مشوي او دجاج مشوي صدر بدون جلد لازم وسلطه متوسطة الحجم ولبن اب
عشا\بيضه مسلوقه و3 ملاعق متبل باذنجان مشوي بدون زيت او 2 ملعقه لبنه قليلة الدسم وشاي


5
فطور\2 شريحة جبنه و بيضه مسلوقه
غدا\شيش طاووق او حمام مشوي وصحن سلطة وسط
عشا\عجة خضار (بيض+بقدونس+بصل+زيت زيتون للتحضير)




6
فطور\ شريحة جبنه قليلة الدسم+بيضه مسلوقه
غدا\دجاج مشوي بدون جلد+سلطه
عشا\علبة تونا محفوظه بالماء+سلطه




7
فطور\2بيض مسلوق+ملعة لبنه قليلة الدسم
غدا\خياره او 5 ورقات خس وكوب لبن اب
عشاء\ لانه راح يكون سابع يوم مفتوووح كلو ع كيفكم
بس لازم قبل لاتوزن تكونون صايمين قبلها باربع ساعات
تقدرين تستبدلين اللحم بالدجاج والسمك تبدل اذا ماتبي
والشااااي يفضل شاي اخضر مع زنجبيل اووو زنجبيل مع قرفه
ولو تشربين عالريق الصبح قرفه مع لبن اب يكون احسن
وفيه طريقه ثانيه تحرق الدهوون وايد
علبت ماي صحه مال الدكان اوكي تقطعي شرائح زنجبيل وتحط عودين قرفه وتخليه بالثلاجه شوي
وبعدين تشربه ويوم يخلص ترجع تزيد ماي وتخليه شوي وتشرب وبعدين تتخلص منه وتعيدي الكره
يكون احسن يعني


انا امشي عالاله 40 دقيقه

وان شاء الله يوم الجمعه اقولكم كم وزني وكم نزلت عليه ^^


ادعووو لي

الله يوفقكم ياربي