ترى فيه ناس ياخذون هالموضوع تسليه ولعبه على البنات الخفيفات

وحده من زميلاتي كانت كل ماجلست مع وحده وسولفت معها قالت بخطبك لاخوي يافلانه ماتلاقين زيه

ابغاك تكونين قريبه مني والخ من باب المزح

فيه بنت صدقتها صارت تشتري لها فطور وتصور لها المحاضرات وتشتري لهاالكتب

وهي نسيت السالفه قالت وش رايكم بفلانه حلوه بخطبها لاخوي والبنت المضحوك عليها جالسه معهم

وانعفس وجهها وزعلت وصارت ماتجلس معها ولاتشتري لها وجات تعلمني تقول صدقت اني بخطبها والحين لما قلت بنخطب لاخوي زعلت وماصارت تشتري لي ولاتصور محاضرات

وكثير بنات اعرفهم يسوون نفس الحركه

وبنت مو حلوه تحط عينها على الشباب الحلوين من اقاربهم واقارب ازواج اخواتها في كل عايله لها واحد حاطه عينها عليه

وللاسف اخواتهم مستغلين هالموضوع ويتكلمون عن اخوانهم ويلمحون لها ترى عبدالله يابنات بنخطب له وحده من اللي جالسين معانا الحين وهي تعلمني فرحانه والله انو واضح كلامهم تريقة

المشكله يخطبون لهم ويتصلون عليها يعلمونها خطبنا لعبدالله فلانه باركي لنا تراها عندي الحين كلميها باركي لها

لا تكونين خفيفه حتى لو احد لمح والا حتى صرح لاياخذون منك لا حق ولاباطل الين يصير الموضوع خطبة رسميه

حبيبتي لا تبني أحلامك على تلميحات ..

اذا فيه احد يبغاكي راح يتقدّم لك بطريقة رسميّة و بدون لف و دوران ..

الله يوفقني و إيّاكي ..

ما أدري ,, بس اتوقع اللي تلمح مو جاده , لوكانت جادة كان طقت بابكم واسرعت بخطبتك قبل لا تنخطبين ,,