والمدرسات لهم دور كبير أتمنى من الأخصائيات الإجتماعيات بالمدرسة اذا لاحظوا
شي بالبنت يعرفون وش سببها يمكن تكون سبب لتبعدها عن الشباب الظالة بإذن الله
وبصراحه ألوم وبقوة أهل هالبنت اللي خلوها بهالحاله وأنبه للمره الثانيه لكل أم لاتخلي
بنتها بطريق الضياع والقصة هاذي صارت قريب وحسبي الله على كل واحد يلعب على وحده
ويخليها مهانه وأتمنى للبنت التوفيق وأنا أدعي لها من كل قلبي وهاذي هي القصة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
( برجولي خطيت وانا داريه بخطاي اهلي قابلوني بالجفا وخلوني بشقاي)
معظم حياتي تتمحور حول الدراسه والمدرسة أي معظم وقتي أعيش بعيد عن البيت وأبقى في عالم ثاني عالم المدرسة
نجي لأهلي مشغولين مثلا أمي مشغوله وأبوي شغله بره يعني مافي وقت ابد
يقعدون معي يعرفون أخباري حالتي زعلانه ولا فرحانه في شي مضايقني ولا لاء
أمي مخلصة لشغلها وأبوي بعد بقيت أنا بغض النظر عن اخواني واخواتي الكل عايش حياة لحاله ولا كأننا ببيت
أروح المدرسة أكون حزينة أحاول أخبي نظرة الحزن في وجهي لأن الروتين يعيد نفسه أرجع بدون أنيس ولاونيس
أروح المدرسة مع السواق وأرجع مع السواق وأحيانا مشي تبدا قصتي مع روحتي للمدرسة خلاني السواق قلت أطلع وأروح بيت خالي أتونس عنده
مايقول لأمي وأنا بالطريق أسمع صوت واحد يرمي بسمعي كلمات حلوه ماسمعتها أبد حسيت اني غير حسيت اني لقيت الحب وقال من شفتك ماقامت عيني تطيح إلا عليك
هالكلمة أثرت فيني كثير التفت رمى الرقم وراح أخذته ورحت لبيت خالي وقعدت سلمت عليه وقلت بروح أرتاح وأنام شوي قال خذي راحتك
قمت أفكر باللي رمى لي الرقم عشقت صوته حبيت كلماته بس أنا عارفا انه غلط وكم من مره قلت بنفسي غبية اللي تسمع هالكلام كله خرابيط مدري وشلون تصدق
آخرتها أجي وأصدق
بس يمكن ذا غير قمت أقول مو شرط كل الرجال مثل اللي اسمع عنهم غدارين وأنذال
طول الفترة وانا قاعدة عند خالي قاعدا أفكر بالموضوع لمن قلت خلاص بدق وأشوف وش بيصير رجعت لبيتنا كالعاده مافي أحد دقيت أول ماسمعت صوته سكرت
خفت أول مره بحياتي أسويها لهالدرجة وصلت فيني الحاله أدق على شباب الدموع تطيح في عيني حياتي صارت بدون طعم ماأحس بحنان أحد
وبعد التفكير في المعاناة اللي مريت فيها دقيت عليه وسمعني كلام حلو انغريت فيه وحبيته وحسسني اني الوحيده اللي بقلبه في أعماقي عارفا انه يكذب بس محتاجه للحب
أنا بالمرحله الثانوية وللحين مابدت المدارس مع التأجيلات وغيرها وللحين اكلمه ماطلب مني ولاشي ولاحتى يشوفني ولاصوري
الحين اجازه وانا بنفسي ابي اشوفه حبيته قلت له قول لي وبكل صراحه وبليز لاتكذب قلت وش نهاية هالعلاقة قال بقول لك لمن أشوفك
وافقت بدون أي تردد سنين وأنا أكلمه حسيت انه قريبي من كثر ماأكلمه عشقته عشق الجنون
عرفني على مواصفاته والتقيت فيه وعجبني والتقيت فيه أكثر من مره وبعدين قال لي انه بيسافر ومابيرجع ويبي يقول لي شي أخير ويبي يلاقيني حزنت كثير
ورحت ودموعي تطيح على فرقاه رحت عنده لقيته بس فرحان حاولت أعرف ليش هالإبتسامه وعرفت لمن طلعوا أصحابه
قمت أصيح ودموعي تنزل اربع أربع من القهر وأنا مثل أي بنت قلت هذا غير ياليت رحم اللي كان بيننا من سنين ورحم بحالتي مع اهلي لأنه عارف اني حزينه بدونه ياليته رحم حالي
وخصوصا انه عارف اني أحبه ومتعلقه فيه مارفق فيني قدام كل أصحابه يضحك وأنا أعاني وأصحابه قاعدين ينتشون بهالمخدرات الخايسه صحت وبكيت بكى غير طبيعي خربت متعته قام
حس على نفسه قال يالله شباب خلوها وطلعوا وهم يضحكون رجولي ماقامت تشيلني بأحر اللحظات اللي كنت محتاجه فيها أحد لقيته هو وصارت الحين أحر اللحظات
لقياه وشوفته وذكراه تعبت والله تعبت أشوف كثير بنات ينخدعون وأقول لا أنا مو مثلهم وأنا أدري ان كثير قالوا نفس الشي الحين قاعده بالبيت لحالي حتى بالإجازه
لاأهل يسألون عني ولا أم وأب يهتمون فيني ضاقت فيني الدنيا كل يوم أصيح وأبكي على حالي وأتجرع كل المراره لحالي
بعد ماتخلص الإجازه أداوم بالثانوية اللي بالمباركية وقلبي حارقني مية مرة على هالطريق كنت امشيه كل يوم لبيته والحين برجع أمشي وأنا
متضايقه ومجروحه وندمانه أدري ماينفع الندم الحين بس شكلي ماتعلمت إلا لمن طاح الفاس بالراس
مادري كيف أكمل دراستي وأنا بهالحاله محد يدري بحالتي ونفسيتي مره تعبانه ماقدر أطلع من البيت أبد ماقدر أتحمل أشوف الشوارع اللي
كنت أمشي فيها برجليني للضياع محتاجه أحد والله محتاجه أحد مابي احد من أهلي خلاص أظن انهك كفوو باللي سووه فيني دمروا حياتي
كيف أكمل بتقرب الدراسه ماقدر أداوم وانا بهالحاله مابي أروح لدكاتر أبي مساعد ه لإني حيل تعبانه ولاحد داري عني
(برجولي خطيت وانا داريه بخطاي اهلي قابلوني بالجفا وخلوني بشقاي )
منقول
