برنامج زيونه العروسه سهل ونتايجه روعه

السلام عليكم
كيفكم يابنات حواء انشأ الله بخير
أنا ياطويلات العمر ربي انعم علي الف حمد وشكر له وانخطبت من خمس شهور في بداية خطوبتي قررت أكثف العنايه بنفسي عشان الزواج فسويت لي برنامج عنايه وبصراحه نتائجه اكثر من روعه فحبيت انقله لكم لأني ماغلي عليكم شي واستفدت منكم واااجد واوعدكم ماراح اقصر وكل اللي ابيه دعواتكم
نجي للموهيم ...

اول شي وجهي كانت فيه بقع وآثار حبوب ومافيه نظاره ..استخدمت زبادي منتهيه مدته كقناع يومي احطه على بشرة وجهي واخليه لين ينشف بعدين اقشره واغسل وجهي وصابونتي اليوميه هي ديتول روعه
النتيجه..وجهي صار صافي ومشرق وأحمر والميك اب يطلع خيال

ثاني شجسميمي كنت اعتني فيه بس مو ذيك العنايه اصريت أني اوصل لنعومه خياليه واشراقه وتوحد لون فاستخدمت خلطة تجنن سهله ونتائجها روعه
شوية سدر
كركم
زيت زيتون
سكر
شوية ماي دافي
أخلطهم واخليهم على جسمي ووجهي لين تنشف الخلطه بعدين أغسل جسمي بماي بارد وجيب ليفة القفازات من بودي شوب وافرك جسمي بلطف لين تروح الخلطه وبعدين استخدم صابونه الطاووس بعد الحمام استخدم بيبي جونسون أويل وجسمي رطب
اعمل صنفره في الاسبوع مره بصنفرة كاب الروعه
النتيجه..جسمي صار يلمع ونااااااعم ابتدت البقع تختفي وآثار الحبوب وتوحد لون جسمي

شفايفي كانت تعبانه تتقشر كثير وحدودها غامقه والروج يطلع بايخ جربت الفازلين مانفع بس كحت على مرطب مجننوووون ترطيب وتفتح لونها وصارت ورديه وطريه وقليل ماتتقشر اللي هو مرطب سيبا ميد أنصحكم فيه على طول ا حط منه

لوشني عباره عن نيفيا بزبدة الشيا مخلوط بزيت اللوز المر ترطيب ولمعه لايعلى عليها

ركبي واكواعي سمران وللأسف انهم مع عنايتي ماتفتحو بقوه بس بانت عليهم العنايه والنعومه خياليه بصبر لين اوصل للنتيجه المطلوبه استخدم لهم نفس الخلطه اللي استخدمها للمنطقه الحساسه لما شفت نتائجها قررت استخدمها على الركب والاكواع
المنطقه كانت سمرا وحبوب وشعر تحت الجلد ولافيها نعومه وانا ماحب الكريمات أخاف منها استخدم شي طبيعي ولو كان بطيء والخلطه فعلا بطيئه بس مع الصبر بتلقي نتايج رائعه
زيت زيتو طبيعي ولازم طبيعي
زيت اللوز المر
زيت السمسم
ليمون
ماي ورد
مخلوطين مع بعض امسح فيها مع التدليك بعدين أخذ جلسوليد واحطه على المنطقه فوق الزيوت مع تدليك خفيف والبس البوكسر والصباح أغسل بغسول سيترا اكس يجنن أنصحكم فيه بقوه
لاحظت مع الايام تفتيح نعومه وخفت الحبوب وخف الشعر بقوووه لأني بعد الحف بالحلاوه احط زيت الزيتون سحر يابنات
العنايه يبي لها مجهود ومع الصبر **** الله نوصل للي نبيه ولاننسى ذكر الله والقرآن الكريم سبب لنور الوجه والقلب والحمد لله رب العالمين
اي سؤال يابنات أنا حاضره ودعواتكم لي بالتوفيق