السلام عليكم ورحمة الله وبركاته
كيفكم اخواااتي الحوائياااات .. احب اقلكم اني كنت اهتم بنفسي بس مو زي الوقت الحالي
يعني اهتمامي زمان لايقارن بهتمامي الانـ.. من بعد ما اتعرفت عليكم وعلى خلطاتكم
وكل يوم وصفه جديده وتجربه جديده اتحمست مرة والنتيجه
سويتلي جدول والحمدلله بشرتي احس بكتييير والكل ملاحظ الفرق والفضل يرجع لله سبحانه وتعالى
و من ثم انتو اخواتي الحوائيات
اول حاجهـ اتكلم عن عنايتي ببشرتي وعلى فكرة بشرتي دهنيه
1-اسكينول بالبابايا وفيه حبوب الدلاسين الله يسعدها صاحبه الوصفه لانه ساعد في تصفيه وجهي
2-انا صراحه استخدم غسول بيور زون مرتين في اليوم احسه ناسب بشرتي ونعمها مررة والحبوب ماعاد تطلع اما طريقه الاستخدام اغسل وجهي مرتين اول شي بيه غسله عاديه عشان ازيل الدهون والاوساخ اللي عالبشره ..والمرة التانيه احرك حركات دائريه لمدهـ دقيقه عشان ازيل اي قشر او جلد ميت
3-استخدم ماسك بيزلين بشمع العسل مرتين بالاسبوع .. اتعب اقول جناااان خطير يرطب البشره بمجرد مايكون عندك جفاف او وجهك مقشر حطي منه وافركي بشويش اول ماتحطي وقبل تغسلي وشوفي الجلد والقشور تخررج وسعره ب 8 ريال
طبعا اللي في اليمين :35:4-استخدم كمان ماسك بيزلين الصلصالي عشان يمتص دهون الوجه لانه انا بشرتي دهنيه واستخدمه مرتين او تلاته مرات في الاسبوع>> للاسف مالقت صورته بس هو بظرف زي اللي قبله << سعره ب 8 ريال
في كمان يابنات ماسك بيزلين لازاله الرؤووس السودا وهو فظييييييع وخطييير وب 8 ريال اكتر من استخدام تخيلووو ويشيل اللي انتي ماتشوفيه..تحطي القناع على خشمك طبعا واستني 10 دقايق الين ينشف وبعد كده شيليه وشوفيه الروؤس السودا واااضحه ..بس للاسف انا ماني لاقيته هادي الايام ماعرف ليش
5-قناع طين البحر الميت الغني باملاحه من افونــ سمعت انه يقفل المسام الواسعه وينعم البشره
6-كريم اوباجي الله يسعدها صاحبه الموضوع يعني انا وجهي اتحسن وماعاد تطلع حبوب بس الاثار جننتني والكريم هادا ساعد في تخفيفها بنسبه 80%
في خلطه اليوم قريت عنها وهي خلطه الاخت بيرلي مومنت وقريت نتايج البنات مع الخلطه السحريه.. وحبيتا سويها ا ن شاء الله تعالى ورح اقلكم بالنتيجه
وطبعا لشفايفي استعمل هادا المرطب يابنات اللي تستعمله تنسى حاجه اسمها الجفااااااااف وهو مرطب بيزلين بشمع النحل سعره ب 12 ريال
بالنسبه لشعري.. يابنات جربت اني احطله الصبار الطبيعي خلطته بالخلاط وحطيته بشعري .. هو صح انه يفرد الشعر بس صراحه نشفلي هو مرررة وعدمه .. والمرة التانيه حطيت معاه زيوت لكن برضه نشفلي هو .. للاسف ماناسبني .. بس ناسب اختي
طيب انا صراحه ماستقر على شامبو كل ماخلص الشامبو اللي عندي نقزت واشتريت شامبو جديد وجربته
لكن اهم شي اني استخدم فاشكول بالتوم خطيرررر وينعم الشعر ولو فيه نفشه يهجدها واحسه افضل من أي بلسم
طبعا كتيررر بنات هنا يتكلمو عن تونيك الفازلين الازرق وجربته وقليل عليه كلمة روعه وهو في حدود ال 10 بس ماني متاكده
طبعا قلتلكم كيف شعري اتعدم من بعد الصبار سار ناشف كانه خششششن
تخيلو يابنات بعد يومين حطيت تونيك الفازلين ورجع شعري احسن من اول الحمدلله ناعم ويلمع وزي الحرير
كمان احب اقلكم اني كمان استخدم زيت دابر املا الدهبي << لانه ريحته اهون واخف من الاصلي ومرررة حلو وخطير
انا احط منه ومن تونيك الفازلين
وكدهـ نكوونــ خلصنا .. لكن كل ماشفت خلطات جديدهـ وحلوهـ باجربها معاااكم لانه كل وحده تبغى الافضل
حبيت اني افيدكم زي ما استفدت منكم ياحلوات.. ا نشاء الله ما اكون طولت ومايكون موضوعي ممل
وبالنسبه للصور منزلتها من قوقل سامحوني ماعرف انزل من الجهاز
اي استفسار انا حاضرهـ وسلامتكمـ..
وشكرا علي ذكر التجربه