اليوم وانا فاره بالمنتديات كالعاده طحت لي على برنامج روعه للعنايه بكامل الجسم...
صراحه اللي تقدر تطبقه كامل بتصير مثل نجمات التلفزيون...
اتركم مع البرنامج...
اليوم حبيت اعرض لكم كيف اعتنيت بشرتي وكييف كان جدولي
واتمنى الكل يستفيد من تجربتي....
اول شي سويته رحت عند دكتوره جلديه شاطره بوظبي
وقالتلي مشاكل بشرتي...
بدينا العلاج بأول شي ل حب الشباب .....
عطتني دواء اسمه الروكتين استمريت عليه 4 شهور.......الدواء هدا خاص لغير المتزوجات فقط
بعدين سويت تقشير خفيف حق بشرتي عشان اثار الحب ...
بعد ما خلصت المشاكل اللي بشرتي بديت اسوي اشياء تجميليه زيااده من عندي عشان تكون بشرتي احلى واحلى.......
سويت ابر الميزوثيرابي لنضاره البشره على شكل جلسات هدي الأبر عباره عن فيتامينات تعطي البشره نضاره حلوووه وااااايد ....انا سويت اربع جلسات
بعدين سويت ابر حق السواد الخفيف اللي تحت عيني بس سويت جلسه وحده.. نسيت شو اسم ابر العيون....
لاتتحسبون ان هدي ابر كبيره او شي ..........لا هدي عباره عن وخزاات خفيفه وما تعور...
عقب رحت عند خبيره تجميل سألتها شو الكريمات العنايه بالبشره اللي تناسبني عشان احافظ ع بشرتي دايما......وتكون بشرتي حلوووه وااااااايد......
طبعا سويت تنظيف بشره ومساجات للوجه......
وسويت ماسكات الكولاجين ع ويهي واااااااايد روووعه يا بنات ومره سمعت جويل بعد مدحت ماسكات الكولاجين......انا دورت الماسكات عشان اسويها عندي فالبيت كل اسبوع .....
تعطي نفخه حلووه للبشره ونضاره.....
هدا بالنسبه للبشره......
نسيت اقولكم اني خديت حبوب فيتامينات وصفتها الدكتوره لي حق البشره والشعر
اسمها .....Perfectil Platinum ...... ع فكره هدي الحبوب فازت ب النمبر 1 في بريطانيا....ممكن تسون سيرش في قوقل لو حبيتوا تتأكدون
وكنت اخد حبوب الحديد لان كان عندي نقص فالدم شوي.....
والحين نبدأ بالشعر.....
اول شي سويت فحص دم شافت الدكتوره شو ناقص عندي من الفيتامينات المهمه للشعر وعطتني اياها.....كان عندي نقص فالحديد
بعدين قصيت الشعر المتقصف اللي تحت فاللأطراف فقط......
خديت شامبو طبي للشعر الجاف فيه نسبه كريم وااايد يغلف الشعر من الحراره والسشوار وللشعر التالف النتقصف النتعب....اسمه Ducray Anaphase
واااايد حلووو للشعر الجاف فقط.....
كنت افكر اسوي ابر الميزوثيرابي للشعر عن عياده انترا ليزر لان ربيعتي مسويه .....بس يوم رحت قالوا ان شعري ما يحتاج ابدا.......لان شعري ثقيل والحمد الله....
بعدني افكر شو اسوي بشعري ما اعرف.....استخدمت مجموعه لوريال لشعر الجاف.... وخديت كريستاس
هدي صورت المجموعه للشعر الجاف....
يخبركم شو اسوي بشكل اسبوعي حق الشعر بس....
انتبهوا يا بنات ان شعري جاف ومتقصف يعني مب كل شي يناسبكم ....
اغسل شعري 3 مرات فالأسبوع......
مع كل غسله .......شامبوا لوريال ....بلسم لوريال....حمام كريم مع مساج 10 دقايق....بدون بخار...
ادا كان حمام الكريم بدون بخار ممكن تستعملونه 3 مرات فالسبوع عادي ما يطيح الشعر....
شعري يا بنااااات والله ستوى حررررريرررر من هدا النظام الأسبوعي.....
ازيت شعري بزيوت خفيفه للشعر لان خبيرت التجميل قالت الزيت الثقيل اطيح الشعر ويتعبه.....
انا استخدم...........
زيت جوز الهند المعروف للكثافه.......
وزيت الياس المعروف بتطويل الشعر......
واستخدم شامبو النمو السريع بعد.......اسمه Grow Fast
بحطلكم صورته ادا حبيتوا........
احين اني حق الشي الأهم والا هو العنايه بالجسم.......
انا قصتي طويله جدا مع جسمي.....زلكن احيين الحمدالله راااضيه كل الرضى عنه......
اول شي انا من سنتين رحت اسوي ليزر حق جسمي كله...
رحت للأكثر من مكان و رحت مرااكز تجميل.... وللأسف كله نصب وحتيال ورااحت الأاااااااالف كله ع الفاضي
اول شي رحت مركز القوام الرشيق سويت سوفت لايت استمريت 6 شهور ما شفت نتيجه وسويت 5 جلسات ع الفاضي رغم ان المركز وااايد غالي الجسم كله 5 ألاف درهم.......هدا الجلسه الوحده بس.....يعني 25 الف درهم رااحوا ع الفاضي.......
بعدين غيرت المركز قلت بروح مكان طبي احسن.....رحت سويت ليزر في مستشفى الأمارات الفرنسي كان ارخص شوي بس بعد ما يابلي النتيجه المطلوبه......وكله نصب وجدب .....وفلوسي بعد طارت ع الفاضي.....سويت يمكن 3 جلسات.......
شفت وحده من اهلي كانت مسويله ليزر ف جسمها وجسمها ما شاء الله رووووووووووعه بياض وصفاء ومافي شعر....بس للأسف كل ما أسألها وين مسويه جسمج تتهرب او تقولي عقب بطرشلج رقم واسم المركز....
بس بدون فايده لين ما صرت ادور بروحي احسن المراكز لليزر وشو نوع الأجهزه......
فالنهايه تعرفت وقريت وسألت اطباء عن افضل نوع ليزر اناسبني وناسب الخليجيات بشكل عام وايبلي نتيجه حلوووه....اسم الجهاز جنتل ليزر......هدا اكثر جهاز فعال وما يظهر الشعر ع الجسم ابدا.......
وانا احين اسوي جلسات جنتل ليزر عن عياده انترا ليزر بوظبي(دكتوره سعاد لطفي).......
ما بمدحلكم اياه بس بقول الصرااحه رووووعه شووي عليه وانا احين من 3 شهور وانا ما ظهرلي شعر لين احين رغم انها الجلسه الرابعه واسعارهم حلووه بعد مب غالي وااايد.....
هدا بالنسبه لليزر الجسم.......
احين بخبركم الحمامات والسكربات اللي استعملها بشكل اسبوعي........
حمام مغربي (بزيت اللوز او الحنه او الكركم)........مره فالأسبوع
مقشر شهر العسل من بنت عداري....................مره فالأسبوع
ملح الحليب+ماء ورد................................ مره فالأسبوع
مقشر الأفريقي من بدي شوب.......................مره فالأسبوع
ملح+زيت زيتون+ليمون...........................مره فالأسبوع
هدا جدول مكثف حقي لاني انا عروس انتوا ممكن تقللون الكميات او عدد المرات اذا حبيتوا.....
عاد والله لو نقدر ننتظم بمثل هالبرنامج أكيييد بنصير ملكات جمال..
يسلموو على المرور العطر....:26: