برياني هندي ولا الز...بس لا تخافوا!!!ماراح اقولكم ليش بس عشان تتشوقوا وتدخلوا؟!

دحين بعد مادخلتوا ممكن اقولكم ليش لا تخافوا من البرياني الهندي؟؟؟؟؟:43:
لان البرياني اللي بقولكم عنه اللي تحب الحار تحط واللي ما تحب لا تحط ... بسيييييييييييطة!!!!!!
انا بصارحة احب الحار( بس) في هذي الطبخة :19:
بالمناسبة هذي الطبخة كانت اول طبخة اسويها اول ما تعلمت الطبخ... :)
حبيباتي , عزيزاتي الطخبة راح اكتبها لكم بكرة (عشان احمسكم).. امزح معاكم!!!
just kidding... :hahaha:
المقادير:
دجاج او لحم زي ماتحبي
1 2/1 رز
1 حبة بصل
2 حبة فلفل حار (حسب الرغبة)
1 ملعقة ثوم مدقوق
1 ملعقة زنجبيل مطحون
2 ملعقة كزبرة مفرومه
1 كاسة لبن زبادي (روب)
2/1 كاسة حليب سايل
6 حبات هيل
4 حبات قرنفل
2 عود قرفة
1 ملعقة نعناع مفروم
1 ملعقة موية زعفران منقوع
1 كاسة زيت
ملح - فلفل اسود

الطريقة::7_2_103v:
اسلقي اللحم او الدجاج في موية وملح الين يسير طري وخليه على جنب
صفي موية السلق واطبخي فيها الرز بعد ما تغسليه
سخني الزيت على النار وقلبي فيه البصل الين يذبل وبعدين حطي الثوم والزنجبيل والفلفل الحار واتركي الخليط على نار هادية
بعد كده حطي البهارات كلها (القرفة - الهيل - القرنفل - الملح - الفلفل الاسود)
اضيفي الدجاج الى الخليط وغطي القدر واتركيه لمدة 20 دقيقة وبعدين اضيفي الرز ورشي موية الزعفران و اتركي المقادير 2/1 ساعة على نار هادية جدا
اخر شي حطي الرز في صحن التقديم وزينيه بالكزبرة وقدميه مع سلكة اللبن بالخيار
وصحة وعافية على قلوب الجميع.....
افتكر اسم افلام كرتون لما كنت صغيرة (في جعبتي حكاية ) بس انا اقول ( في جعبتي طبخة)..............
اتمنى اني اصورلكم طبخاتي بس الى الان ما اشتريت لاب توب ... :(