بسبب زوجي صار عندي تراكمات نفسيه

الموضوع انه زوجي اول مااخذته كان علاقته الزوجيه معاي تقريبا بشكل يومي وبعد زواجنا ب ٧ سنوات صار يتغير شوي شوي ويبعد لين صار كل شهرين مره وتعبت بكيت سهرت واجهته والان لي ٦ سنين صابره عليه كل شهرين أو ٣ مره احس صار لما يقربني بعد شهرين نفور وكره له وهو يقول والله اني احبك ومو ناقصك شي
بنات انا صرت احس الجنس خطيئة كل ماتذكرت عذابي وحيرتي في بعده عني احس بألم نفسي ويزيد كرهي له وللجنس
انا صرت مااقدر احس بشي معاه كل ماقرب مني يتجدد عذابي النفسي لانه حطم انثوتي وشككني بنفسي
انا اشتاق العلاقه بس صرت مااشتاقها معاه صرت اتمنى اني متزوجه غيره
والموضوع الثاني السنه الماضيه نفس هذا الوقت كنت حامل ووصفتلي الدكتوره مثبتات وقالتلي ارتاحي الجنين مره نازل واحتمال تجهضي وطبعا انا أم لأطفال وعندي أطفال بالمدارس واضطر اقوم واكوي ملابسهم واجهز البيت
قلتله يافلان انا تعبانه ومهدده بالاجهاض جيبلي شغاله تشتغل وتروح رفض وقالي ماعندي فلوس والله ان كثرتي الهرج لأطلقك
كنت بين نارين..نار اني احافظ على نفس انخلقت داخلي وبين أطفالي يروحون المدارس مبهذلين
ورغم تعبي قلبي ماخلاني كنت اقوم واكوي واشوي إلا نزل علي نزززززيف يفجع مو طبيعي ورحت المستشفى لقوه متوقف نبضه من الجهد النفسي والبدني
وهذا سببلي الم نفسي ثاني والله والله اني كل ما ذكرت اللي صارلي ابكي وارجف رغم مرور سنه
بنات انا صار عندي خوف من الحمل والاجهاض والعلاقه
اذا شفت حامل احس ب خوف
انا احس زوجي سببلي الم نفسي وافكر واتعالج
لما اجهضت صرت أردد حسبي الله ونعم الوكيل عليك والان هو مريض مره ومني قادره اسامحه
كل شوي اتشمت فيه واقوله هذي حووووبتي ذوق
هذا مو طبعي بس مدري ايش صار فيه
الآن يابنات انصحوني كيف انسى اوجاعي ؟ كيف ارجع طبيعيه؟
تعبت انا اعيش معاه لكن مااحبه ولا ارحمه واكره العلاقه معاه وعندي تراكمات في قلبي منه
هذا مو انا
طبعي انسى واسامح طبعي رومانسيه
الطلاق في بالي بس ماعندي وظيفه ولافلوس واهلي احاولهم على قدهم