بسبب شقة ,,تمشكلت مع زوجي واهله...لو مكاني وش راح تسوين؟؟؟

السلام عليكم ورحمة الله وبركاته

ماراح اطول بالمقدمه لان نفسيتي جدا تعباااااااانه:angry2:
بالمختصر
انا تقدم لي زوجي كان شرطي هو سكن لحالي ماهو مع اهله وزوجي وافق وابو زوجي بعد وافق
اللي صار ان اهله جهزو لي قسم عندهم مجلس وحمام وغرفة نوم
وزوجي وظيفته كانت بمدينة ثانيه غير مدينتنا
استأجر لي هناك شقه
وعشت خمس سنوات من احسن مايكون
كنت اخذه راحتي ولله الحمد
بعدين صارت كارثه للاسف,,, لان زوجي توظف بمدينتنا ونقلنا وسكنا عند اهل زوجي وعلى اساس موقت لانهم يدورون عماره فيها شقق لنا ولعيالهم الباقين
اللي صار ان المدة طالت اسابيع وايام وشهور
ولاحس ولاخبر كانهم تراجعوا
طبعا كلمت زوجي بالموضوع وذكرته بشرطي وقت الزواج وقت انا ابي شقه لي حتى لو في بيت اهلك ماهي مشكله اهم شي مدخل خاص ومطبخ
زوجي رفض رفضا قاطع بحجة انا ما اطلع من عند اهلي
راح اوصف لكم كيف السكن عند اهل زوجي
البيت صغير
وعائله كبيره
عنده ثلاث اخوان اتغطى عنهم يعني كل الوقت وانا لابسه جلالي
الغدا والعشاء والقهوة وجلست التلفزيون عندهم جمااااااااعي رجال وحريم
الشغل مقسم علي انا وسلفتي بينما بالبيت اخوات زوجي كبار وللاسف مايبغون يشتغلون بالبيت
خالتي ام زوجي نار نار نار مهما سويت ماترضا ولازم تعطيني على راسي من الانتقادات اللاذعه
وتبي كل شي كمااااال بكمااااال
غرفتي لاتلفزيون ولاثلاجة ولادفاية لان زوجي يا يرفض يا يأجل هالامور يشوفها ماهي مهمه ويبيني دايم مع اهله واحتاجهم
حمامي خرب وكسروه على اساس يصلحونه وصار العمال يجون يوم وثلاث اسابيع مايجون يكملون شغلهم
يعني صرت استعمل الحمام اللي تحت وصار الكبير والصغير بالبيت يعرفون اذا توضيت او اخذت دوش يعني امر عند اخوان زوجي وفوطتي معي ام الاحراااااج
والمجلس اللي بقسمي اهله قلبوه مخزن للاغراض الغير مستعمله يعني صفيت على غرفة وحده
بنتي تنام على الارض
هذا غير كل حركه مراقبه فيها واي زله يكبرونها ولا ينسونها

الوضع تعباااااان
كلمت زوجي قلت لازم تتحرك يا خذ شقة برا بيت اهلك او نزل لي درج وابي مطبخ وشقة في نفس بيت اهلك
رفض بحجة ماعندي ميزانيه
وبعد اسبوع من هالكلام افتتح محل تجاري له... ادري قمة التناقض
كلمه ابوي وقاله نصبر عليك شهر شهرين وبعدها استأجر شقة
لكن زوجي صارحني وقال
شقة ماااافيه الا بعد خمس سنوات كحد ادنى:eek:
قلت انا ماني مرتاااااحه
قال هذا اللي عندي شقة مافيه...مااطلع من عند امي
المهم
جيت زعلانه عند اهلي
وهو اخذ بنتي مني وحطها عند اهله ولي اسبوع اترجاه يجيب البنت ورافض
يقول تعالي للبيت وارضي بالسكن مع اهلي والا خلك عند اهلك وبنتي عند اهلي

اتصلت على ابوه وقلت له السالفه وطلبت بنتي
قال خير ان شاء الله
اتصلت امي على امه قامت امه تتشكى مني ان ولدها اللي هو زوجي انكب عليه الشاي وانا لاسميت عليه ولا تحركت:angry2:
واني مقصره معهم ولاكاني زوجة لولدهم
للعلم
الشاي لما انكب ماكان فيه الا انا وزوجي وخواته وخالتي ماكانت موجوده
ونا سميت عليه وسألته انحرقت؟؟ قال لا
وعلاقتي معهم ممتازه ومن الساعه 7 الصبح اقوم واجهز القهوة والشاي واجلس الضحى مع خالتي وخالي واسولف واشوف طلباتهم واجهز غداهم ومن بعد الغدا خلاص اروح لغرفتي وهالشي ماهو معجبها
من جد شال خاطري عليها لما سمعت موقفها واعذارها:(
المهم انا الان كارهه بيتهم وكارهه ارجعه له
وزوجي يهددني ببنتي ويساومني عليها

وش السوات؟؟وش الحل؟؟
السكن عندهم مرررررره متعب وش اسوي؟

واللي ماعندها حل بس ابي تدعي لي بالفرج القريب:26:



تكمله الموضوع في الرد 90