بسبوستي المحشية اللي من ذاقها سألني عنها...من مطبخي بالصور..

حبيباتي راح اعطيكم طريقة لبسبوستي اللي جننت اللي حولي....لا أهلي... ولا حمولتي...ولا زميلاتي الكل يسألني عنها.......وهي حقيقة شي وحبيت أعطيكم طريقتها وهي سهلة بالمررررررررررررررة ولا تبي جهد مبالغ فيه....
تبغون المقادير والطريقة يالله فسري عن ذرعانتس وجيبي ورقة وقلم واكتبي معي:
المقادير:
كوب سميد +3/4 كوب حليب ناشف +نص م فانيلا + م ط BB + نص كوب سكر+3/4كوب زيت +علبتين قشطة +علبة قشطة قيمر للحشو.

1/ كوب سميد +3/4 كوب حليب ناشف +نص م فانيلا + م ط BB + نص كوب سكر (نخلط المقادير كلها مع بعض).

2/ وبعدين نضيف (علبتين قشطه + 3/4 كوب زيت). ونخلطها سوا مع المقادير الأولى.

3/بعدين نجيب صينية التيفال الدائرية اللي تنفك جوانبها...ونصب نص الخليط بالصينية...

وبعدين نحط الحشو اللي هو قشطة قيمر ونواسيها بشويش ونضع عليه شوي مكسرات مثل اللي بالصورة...


بعدين نضيف ملعقة كاكاو للخليط المتبقي ونضيف كذلك نص بيالة ماء عشان نقدر نواسيه زين ونصب الخليط على القشطة ويكون شكلة كذا..ونصف فوقها مكسرات للزينة...وندخلها الفرن..


وبعد مانطلعها نصب عليها الشيرة وشوي حليب نستله وهرشي للزينة:


وعند التقديم نقطعها مكعبات بهاشكل وهذا انا قطعتها عند أهلي وهذا صحنهم بس قلت لازم أصورها عشان اوريكم اياها من جوى وهم يصرخون علي يالله بسررررررررررعة صوريها وفكينا نبي ناكلها......



هاه وش رايكم